Ath cap occidentau deth Coserans, era comuna de Bèthhag qu’a un brave territòri e que compda un tepèr de noms de lòcs. Que sián evidents, susprenguents o enigmatics, qu’arrepresentan un formidable patrimòni immateriau. Ath crosament dera Lingüistica, dera Geografia e dera Istòria, aqueth estudi, que s’empara ath còp sus de vielhis documents e sus un hèish d’enquèstas oralas, qu’ensaja d’aportar arresponsas enà perméter de conéguer, comprénguer e transméter eths noms de lòcs dera comuna.