Seleccionar una pagina

Deu neient ençà

0 |

Deu neient ençà

Dmitry Alekseïevitch Glukhovsky

Metro 2035

Dmitry Glukhovsky
Atalante, 2017
608 paginas
14.5 x 20 cm
27 €
ISBN
978-28-41727-97-1

Ne'n saber mai

Metro 2033

Dmitry Glukhovsky
THQ – A4 Games
Mars 2020

Ne'n saber mai

Adèptes e Adèptas deu Diu Negre, ahuecats e ahuecadas deu vueit creator, lo Collectiu que s’i torna per las paginas deu Diari e com de costuma, que’vs parlarà literatura, mes tanben jòcs vidèo e cinèma, dab la constrenta navèra, augan, de’vs presentar ua òbra globau qui pertocaré tots los maines aquestes. Que ns’interessaram, entà dar l’aviada ad aquesta cronica, a un autor pro joen per l’ambient literari mondiau. Tanlèu lo son purmèr roman, que s’i escadó a’s har ua plaça de las bèras a la taula de la Ficcion, ua taula dejà hèra cerclada. Que parlaram donc de l’òbra de Dmitry Alekseïevitch Glukhovsky, actor màger e presomptiu d’un navèth movement literari rus. Que’u ve presentam :

Dmitry Alekseïevitch Glukhovsky, qu’ei un autor rus, qui ei coneishut peus sons tèxtes de Fantastic e de Sciéncia Ficcion. Vadut en 1979 a Moscòu, que hasó lo jornalista purmèr — coneishut sustot suus canaus internacionaus (Euronews, eca) — abans de deishar l’escritura jornalistica tà la creacion literària.
En 2005, que segotí beròi l’ambient de la ficcion, dab lo purmèr roman de la soa celebra trilogia postapocaliptica, Mètro 2033 (que ve’n parlaram lo còp qui vien). Lo public qu’estó au rendetz-ve e la soa purmèra contribucion a la literatura qu’estó ua escaduda (400 000 exemplars venuts en Russia). Revirat en un vintenat de lengas, Mètro 2033 que’s vedó adaptat en jòc vidèo en 2010 per l’estúdio ucrainés A4 Games abans d’estat seguit per tres adaptacions mei, gessidas eras tanben deu medish univèrs.

Refusant de s’embarrar en la soa zòna de confòrt, l’autor que decidí, après la publicacion de Mètro 2035 (2017), qu’avè pro desvolopat aqueth univèrs postapocaliptic e que d’autas istòrias que l’esperavan aulhors. Ua tendéncia de bon notar tanlèu 2014, quan pareishó Sumerki, ua exploracion febrosa e fantas-tica de l’America precolombiana,
FUTU.RE (2015) que’u hasó seguici. Que s’ageish d’un roman utopic (per l’autor) en ua Euròpa eternau (per Diu Negre). Fin finau que pareishó Textò (2019), un tecnòthriller psicotic en ua Russia contemporanèa. Aquesta produccion literària eterogenèa, premiada a las Utopiales peu Prèmi European (Sumerki), que truquè au Diu Negre, qui ne podó pas resistir au plaser de ve’n parlar.

Que’n parlaram donc, deus romans purmèrs (la trilogia Mètro e los autes tanben), deus jòcs vidèo (que son quate peu moment), mes tanben de l’unica adaptacion suus ecrans deu monde tot escuranha de Glukhovsky e deu potenciau cinematografic de l’òbra soa. Que’vs parlaram, fin finau, de totas las creacions (graficas com literàrias) deus ahuecats de las benalèjas d’Artyom (personatge principau de la trilogia Mètro), qui son de las numerosas.

Avisatz-ve ! Estacion venenta : lo monde de Glukhovsky !

Lo Diu Negre que v’i espèra… 

A prepaus de l'autor

Soscriure
M'assabentar quand
0 Comentaris
Retorns en linha
Veire totes los comentaris

M’aboni !

Anóncia

Los darrièrs clips

Cargament...

La letra del Diari

Soscrivètz a nòstra letra d'informacions !

Soscrivètz a nòstra letra d'informacions !

Vos prepausam de vos abonar, en dos clics, a una letra regulara que vos tendrà assabentat·da de las sortidas dels novèls Diaris papièrs e de la publicacion d'articles novèls.

Avètz soscrich amb succès !