Lo productiu grop tarnés La Talvera aima de rapelar regularament que fa pas sonque de collectatges e de tradicional, o puslèu que i a pas de tradicion sens creacion. Sus aqueste marge ont s’encontran tèxtes de creacion e danças tradicionalas, A tu vai es una crida a las libertats, lo recòrd ancorat que son un grop engatjat. Contra los papièrs que cal per menar sa vida, contra las frontièras qu’empachan aquesta vida, per l’ecologia, los trabalhadors e las TAD (Talveras A Defendre). Cançons revoltadas, òc, que daissan jamai de costat la poesia, la melodia, la tendresa, tot çò que ven mostrar que La Talvera pòrta plan naut son nom e los sieus senses.