Lo dire e l’escriure, Jòrgi Gròs

De la paraula orala a la paraula escricha e dins l’autre sens… Dins un vai-e-vèni perpetuau entre lo vèrbe dich e lo mòt de tencha, entre la vibracion d’aire e lo dessenh sus papier o, ara, la traça numerica sus un ecran : aicí se plaça, segurament, la literatura. E devèm apondre l’escambi, lo dialògue que s’establís entre leis òmes, de còps en delai dau temps, mercés a la transmission dei paraulas e dei tèxtes. Lo cònte es una sòrga, l’art de racontar, de recuperar e difusar lo dire de l’autre per lo faire sieu, es tanben en delai de tot egocentrisme, un retorn a la paraula collectiva, bessai ? Encara que…