Seleccionar una pagina

L'occitan blos

0 |

A aviada una colleccion

A aviada una colleccion

Se disi «Aquel editor avièt una colleccion novèla» vòli dire qu’aquel editor agèt l’iniciativa de començar una colleccion novèla e qu’aquò se passèt dins un periòde que i sèm pas pus dedins.

Se disi «Aquel editor avièt una colleccion novèla» vòli dire qu’aquel editor agèt l’iniciativa de començar una colleccion novèla e qu’aquò se passèt dins un periòde que i sèm pas pus dedins. Pòdi dire, per exemple, que l’Institut d’estudis occitans avièt la colleccion Messatges en 1945 ambe la publicacion de Poesies catalanes de Josèp-Sebastian Pons e que, pus tard, avièt la colleccion A Tots lo 31 de desembre de 1972 ambe la publicacion de la reedicion de La Santa Estèla del centenari de Joan Bodon. Se pòt remarcar que dins los dos exemples que veni de donar, lo vèrbe al preterit avièt es acompanhat d’un clara precision del moment ont la causa se passèt, e aquel moment se situa dins un passat qu’a pas pus de relacion ambe lo temps present qu’es lo nòstre. Las annadas 1945 e 1972 son plan luènh de nosautres ! Es plan sovent lo cas quand s’emplega lo preterit : la situacion a un certan moment del passat es sovent explicita o, al mens, es implicita gràcias al contèxte.

Per contra, se disi «Aquel editor a aviada una colleccion novèla», vòli dire qu’un editor actual a presa l’iniciativa de «dubrir» una colleccion novèla. Concrètament, significa que i a sonque qualques títols que son estats publicats e que n’i aurà d’autres a partir d’ara. De segur que l’iniciativa d’aviar aquela colleccion novèla se situa dins lo passat, mas un passat qu’es dins un periòde que i sèm encara dedins : tot aquò se situa dins l’actualitat.

Lo gramatician Florian Vernet ditz, en parlant del preterit : «Il présente un procès situé dans un passé révolu(Dictionnaire grammatical de l’occitan moderne, 2002, pagina 262.) Çò qu’apèla «le procès» es l’accion exprimida pel vèrbe. E çò qu’apèla «le passé révolu» es lo periòde de temps qu’arriba pas fins al periòde ont nos trobam ara. Concrètament, quand disi de qualqu’un «Es nascut en 1939», aquò implica que «lo procès», es a dire lo moment de la naissença, se situa dins un periòde que i sèm encara dedins; es a dire que parli de qualqu’un qu’es encara en vida. Mas, quand disi de qualqu’un «Nasquèt en 1939», aquò implica qu’aquela naissença se situa dins un periòde anterior al periòde actual; es a dire que parli de qualqu’un qu’es mòrt. Lo periòde a préner en consideracion es la vida de la persona .

Es doncas una gròssa error de creire que parlatz un bon occitan se fasètz correspondre sistematicament a un passat compausat francés un preterit occitan.

A prepaus de l'autor

M’aboni !

Anóncia

Los darrièrs articles

Los darrièrs clips

Cargament...

La letra del Diari

Soscrivètz a nòstra letra d'informacions !

Soscrivètz a nòstra letra d'informacions !

Vos prepausam de vos abonar, en dos clics, a una letra regulara que vos tendrà assabentat·da de las sortidas dels novèls Diaris papièrs e de la publicacion d'articles novèls.

Avètz soscrich amb succès !