2008-2018 : Eths 10 ans deu Diari !
10 ans, qu’ei un cap, quauquarren important, un aniversari de qui’s hesteja. En octobre de 2008 que sortí eth 1èr numèro deu Diari. En 10 ans la nosta revista qu’a cambiat, que s’ei hèita un vertadèr magazine culturau dotat d’ua version papèr modèrna e d’un site referencia en matièra de cultura en occitan.
Enguan qu’avem donc decidit de hestejar la nosta 1èra decennia en organizar ua serada especiau a Sebasac (pròisha de Rodés) eth 4 d’octobre de 2018. Eth public que i poderà profitar gratuïtament d’un escantilh de cultura version Lo Diari : poesia dab la permèra d’un espectacle d’Aurelia Lassaca en collaboracion dab lo musician Alain Larribet (compositor, multi-instrumentista e cantaire) e l’artista Benoît Blein (ombras e tintas), ua expausicion sus la prensa en occitan (dab lo Cirdoc), cultura populara dab la grana cantèra deus 10 ans deu Diari e entà acabar en musica : eth bal / concèrt d’Arnaud Cance e Paulin Courtial.
Tanben, entà sauvà’s un brembèr Lo Diari de qui vié que serà dedicat aus 10 ans, dab un best off e arrubricas especiaus.
