Jol titol La mar sus las espatlas (que repren un vèrs de l’Ives Roqueta), l’IEO Aude publica un recuèlh de tèxtes escrits entre 2012 e 2017 pel Miquèl Decòr, libre qu’èra a mand de partir a l’estampariá quand lo poèta nos quitèt a la prima passada. Dins un cinquantenat de tèxtes, poèmas o pròsas cortetas, lo teisseire de mots fasiá valsar la lenga per unes tèxtes d’un grand umanisme per se confrontar al malèsser del monde e tornar trapar la patz del cabanòt o de las aigas que corrisson de las fonts a la mar…