Seleccionar una pagina

Libe Joens

0 |

La carta

O sètz ja estat·da, sensible·a a la beutat d’un paisatge que se descobrís, pauc a pauc, al contorn d’una virada de la colina o del puèg que venètz de passar ? Balha un sentiment de plaser d’èsser arribat·da a destinacion, d’aver atench la tòca.
Entre realitat e ficcion, son los sentits que recercam, que siá per lo monde sensible o l’imaginacion… Alara, daissatz-vos portar, e menatz los mainatges, per lo libre La carta, un libre a mièg camin entre realitat e ficcion, entre legendas e vida vidanta…
Aicí, dos mondes se fan resson.
Se dobrissètz lo libre d’un costat, es un roman grafic, un paisatge que se construís a l’agrat de cada pagina… Pèiras, puèges, arbres, flors. Pichon a pichon fins a l’empliment d’un lac. « Las aigas »…
De l’autre costat, cinc contes vos dobrisson las legendas de cinc lòcs que contan çò que i a al delà del fons de l’aiga. Foncionan coma d’ancoras pel país en balhant las versions dialectalas de cadun : tres contes en occitan lengadocian, un conte en occitan lemosin e un conte en occitan gascon. Aquò’s la realitat de la lenga, entre unitat e diversitat, aquò’s la riquesa de la cultura.
E a la mitat del libre, un tresen camin : una mainada ven de recebre una carta postala. Qui li a escrich ? Perqué ? Trobaretz los ligams secrets entre totas aquelas istòrias ?

Contes en telecargament sul site del CAPOC : 
Las Aigas (lectura de Yves Durand)
Lo niu de las sèrps (lectura de Bernard Cauhapé)
La vila englotida de Balaruc (lectura de Stella Fontana)
Las clòchas dau saut dau Chaslar (lectura de Jaumeta Beauzetie)
La hada deu ponton (lectura de Serge Mauhourat)

Cartas postalas : Las Aigas ; Lo Viaur ; Lo saut dau Chaslard ; Balaruc ; La hada deu ponton.

La carta

CAP’ÒC
Canopé Éditions, 2019
(Occitan)
70 paginas
24,5 x 22,5 cm
10 €
EAN 13 : 9782240051905

close

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Marion Laignelet

Marion es en carga de la Tuta d'Òc, librariá occitana de Tolosa (Ostal d'Occitània) bailejada per l'IEO 31. Librària de profession, s'interèssa fòrça a la literatura pels dròlles e nos parteja aquel interès dins Lo Diari.

Soscriure
M'assabentar quand
0 Comentaris
Retorns en linha
Veire totes los comentaris

M’aboni !

Anóncia

Lo CalenDiari

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

Los darrièrs clips

Cargament...