Seleccionar una pagina

Deu neient ençà

0 |

Lo Broishèr – Episòdi 3 : Lo Mau e la Nòrma

Lo Broishèr

Episòdi 3 :

Lo Mau e la Nòrma

Negre qu’ei lo monde deu broishèr, b’ac sabetz d’ara enlà, mes com Yennefer de Vengerberg – magiciana autan beròja com dangerosa, pariona insasibla deu caçaire de mostres – que luseishen enqüèra, peu son dehens, quauques eslaüsas d’espèr. Ua espèra de qui vam parlar en ns’aventurar peu temps, dinc en 2007, annada quan sortí la purmèra adaptacion videoludica de l’univèrs d’Andrzej Sapkowski : The Witcher.

Realizat per l’estudio polonés CD Projekt, lo jòc video The Witcher ne’s fondè pas l’intriga sus la saga literària, mes sus un scenari originau escriut en intèrne e validat peu quite autor. Aquesta causida, qui pòt suspréner, e qu’ei sovent, d’aulhors, un gahatèr, que permet totun de s’emancipar d’ua istòria tota hèita e d’anar mei luenh per l’univers explorat. Un monde escur e ric peu quau los mostres mei tarribles an sovent cara umana, mes qui ne s’i escadó pas, totun, a escanar totas las valors umanistas.

En efèit, l’istòria d’aquesta adaptacion que’ns convida a incarnar un Geralt de Riv aviat en un monde au punt de tombirolar dens l’obscurantisme. Honit per un ordi religiós fanatic (adèptes deus lenhèrs e d’autas festivitats d’aqueth escantilh) qui hè de totas las diferéncias un dangèr, lo broishèr qu’aurà com quèsta principau de retrobar la memòria (drin convienut, vertat), e de susvíver fin finau. Un prètzhèit de mau complir quan èm un mutant, mes qui s’està possible quan i a quauquarrés entà téner la man. Atau l’experiéncia que’s perpausa The Witcher, dab un sistèma de causidas/consequéncias de long cors, qui hè d’ua intervencion o d’ua non intervencion (segon las causidas hèitas) ua proessa costosa o ua manca tarribla.

Hornitz a aquesta intriga de las bonas un malhatge de quèstas mei denses que de costuma peu periòde, un sistèma de combat originau, personatges deus complèxes e un ambient matur e shens nada concession e qu’obtienetz un cap d’òbra laudat per la critica.

Segur, a Diu Negre qu’èm sensibles a la fòrma, qui ei indispensabla per nosautes entà har passar lo hons, mes çò qui’ns gaha mei, quan nse passejam peu monde de The Witcher, mes en scèna per aquesta purmèra adaptacion, qu’ei l’abséncia (quasi) de maniqueïsme. Vertat, aqueste hèit qu’ei rar peus jòcs video, e enqüèra mei quan gausam avançà’s sus las tèrras de l’eroïc fantasia (un genre qui’n pateish tròp sovent enqüèra uei). Mes CD Projekt ne cadón pas en aquera facilitat nauseabonda, au contra. En plaçar los jogaires davant l’obligacion de har causidas per causidas, shens devinar arren de las consequéncias possiblas (causidas sovent de mau har de mei), l’estúdio polonés que s’i escadó a har d’un objècte de divertiment, un vertadèr utís d’aprenedissatge etic. Un objècte qui questiona la natura deu Mau, mes tanben la nocion de la Normalitat.

Un produit rar donc, deu quau e’vs conselham la navèra version melhorada de quant : The Witcher : Enhanced Edition.

Lo Diu Negre, dab lo Broishèr, que v’i espèran. A l’argüèit de la mendra causida vòsta !

The Witcher : Enhanced edition

CD Projekt e Atari, 09 / 2008

close

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Soscriure
M'assabentar quand
0 Comentaris
Retorns en linha
Veire totes los comentaris

M’aboni !

Anóncia

Lo CalenDiari

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

Los darrièrs clips

Cargament...