Seleccionar una pagina

Novèlas

0 |

Jornada d’Estudi : “Trans-mission : Creacion e ibridacion dins lo domeni d’òc”, a l’Universitat Jean Jaures

Jornada d’Estudi : “Trans-mission : Creacion e ibridacion dins lo domeni d’òc”, a l’Universitat Jean Jaures

A l’iniciativa dels Joves Cercaires en Domeni Occitan (JCDO) se tendrà lo 29 de mars 2019 a l’Universitat Joan Jaurès de Tolosa (Ostal de la Recèrca / Maison de la Recherche, Amphi F417) una Jornada d’Estudi al entorn de la tematica :

“Trans-mission : Creacion e ibridacion dins lo domeni d’òc”.

La tòca d’aquesta jornada es de crear un espaci de rescontre, d’escambi e de mesa en relacion entre los joves cercaires qu’an causit per lor subjècte d’estudi lo domeni occitan. Las organisairises principalas de l’eveniment, Alice Champollion, Noemia Eyraud, Cécile Noilhan, Marina Mazars, Magalona Sauzet e Camilla Talfani, son estadas sostengudas per Rosa Medina Granda, presidenta de l’AIEO, l’Associacion Internacionala d’Estudis Occitans, fondada en 1981, e de qualques uns de sos membres.

Aquesta primieira sesilha serà plaçada jos la tematica de la transmission de tota mena e de tota forma, en particular dins la mesura que procedís sovent al encòp de la creacion e de l’ibridacion, dins un jòc entre renovelament e continuitat, mescladís e originalitat. La paraula serà donada a d’estudiants de Master, de doctorants e de joves doctors qu’an relevat lo desfís dels estudis occitans a l’ora d’ara. Doas sessions se tendràn al meteis temps, lo matin e l’après-dinnar, de 9 oras a 18 oras. Especialistas de la literatura, linguistas, istorians o encara musicològs, son la pròva de l’interés scientific de l’occitan uèi e de la riquesa de sos materials, encara plan sovent jos-expleitats. A l’estrangièr, la legitimitat de la recèrca occitana es mens problematica qu’en França, ont de prejutjats e una indiférencia, non mens perilhosa per la transmission de la lenga e son estudi, existisson encara. Los recents projèctes de modificacion del programma escolari o mòstran plan : aurián un efièch negatiu sus las possibilitats d’ensenhament de las lengas regionalas en França e doncas sus un dels biaisses de lor transmission. Coma l’AIEO, los JCDO meton en evidéncia lor internacionaltiat, que s’espandirà de segur dins l’avenidor. Als costats dels joves cercaires de las universitats de Tolosa, Montpelhièr, Niça e París, de joves cercaires d’instituts de recèrca e d’universitats italianas, portugesas, catalanas, romenesas, britannicas, canadianas o soïssas faràn la presentacion de lors trabalhs actuals e futurs. Una plaça importanta serà consacrada als escambis e a las interaccions amb lo public, en particular al moment d’una taula redonda a la fin de la Jornada d’Estudi. Las comunicacions se faràn en occitan, en francés e en italian.

Aquesta jornada s’adreiça a un public de cercaires e d’expèrts internacionals de la recèrca en domeni occitan, mas es tanben dobèrta a un public mai larg e non especializat. Los estudiants traparàn una oportunitat de descobrir las problematicas largas e actualas de la recèrca sus l’occitan, tot çò qu’aquesta lenga nos a transmés, e tot çò que nos demòra a transmetre sus l’occitan e en occitan.

 

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Lo Diari

Aquel compte es bailejat per tota la còla de redaccion del Diari. Es aquel compte que s'ocupa dels afars corrents sus aqueste site e s'encarga de la publicacion dels articles.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.