Seleccionar una pagina

TV

0 |

Jòcs de noste tà l’estiu

Jòcs de noste tà l’estiu

Non sabetz pas qué har pendent l’estiu ?! Quina escadença ! Enfin, que supausi que si, sabetz… Mes qu’espèri que non n’avetz pas previst de tròp, per’mor que’vs vau perpausar quauquas ideas mei.

A noste, que s’i tròban un hèish de jòcs, mei o mensh tradicionaus, mei o mensh coneguts, mes tostemps apassionants. Per exemple, qui n’a pas entenut a parlar de la petanca ? Arrés. Mes la soa istòria e las bonas tecnicas deus jogadors d’elèit, que son chics qui at coneishen vertaderament aquò.

E las quilhas de nau alavetz, e las coneishetz ? Que’m pensi plan que n’èm mantuns qui credem saber çò qui ei aqueth jòc de quilhas famós, shens ne poder explicar en qué consisteish. En efèit, a las quilhas de nau, ne sufeish pas de lançar la bola tà har càder quilhas ; que i a figuras complèxas a har, un sistèma de punts hòrt precís, nòrmas de materiau ad arrespectar. E si n’i a qui poderén pensar que non s’i hèm pas sonque au sud de Gasconha, be s’enganan ! Las quilhas de nau que son mèma practicadas en Portugau e Argentina !

La petanca e las quilhas de nau que son tròp mainstream per vos ? Alavetz, direccion lo Peirigòrd entà har-v’i au quilhon ! Nat quilhèr gigantàs, nadas quilhas enòrmas, nada bola pesuga : ua quilheta, quauques palets, e quauquas pèças que son tot çò qui avetz besonh tà jogà-i. Concrètament, que pausatz las pèças suu quilhon, e que hètz càder lo quilhon en getant un palet ; e que cau obtiéner posicions predefinidas a la caduda de la pèça. Non m’expliqui pas pro plan ? Erosament, los explics sancèrs e beròi illustrats que s’i tròban sus ÒCtele !

E òc que pensam a tot ! Si at voletz tot saber sus la petanca, las quilhas de nau, lo quilhon, e mantuns autes jòcs o espòrts de noste entà passar un estiu de holia, que v’envitam a (tornar) descrobir la nosta emission Espòrts d’Aquí sus octele.com !

close

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Oc télé

Òctele es una cadena de television en linha a 100% en occitan.

Soscriure
M'assabentar quand
0 Comentaris
Retorns en linha
Veire totes los comentaris

M’aboni !

Anóncia

Lo CalenDiari

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

Los darrièrs clips

Cargament...