Seleccionar una pagina

Entrevista

0 |

Claude SICRE – La grana finau deu mondiau de tençon poetic trobadorenc

PHOTO – DDM Archives

ladepeche.fr

Es a se demandar cossí vuèi le teatre, que de mès en occitan, pòsca arribar a se fèr una plaça, tant menudeta siaga, demest les lésers e passatempses pletorics e envaïdors que coneguèm. Vaquí coma exemple l'aventura de la còla de teatre de l'IEO d'Arièja.

Adiu Claude, peu permèr còp, totas las federacions que’s son amassadas entà organizar eth permèr mondiau e balhar la permèra corona mondiau unificada deu tençon poetic trobadorenc. Tau public de qui ne segueish pas de pròche l’actualitat, e’ns pòdes explicar quin ei vajut aqueth gran eveniment de Rodés e tot çò de qui significa pera vòsta disciplina.

En realitat, lo monde sabon pas que lo baron de Coubertin, quand a tornat aviar los jòcs olimpics, prevegèt una espròva de poesia, un concors.,.

E se faguèt per las primièras Olimpiadas (sic). Puèi se daissèt per de motius de lengas, critèris d’avaloracion, etc . Mas uèi, amb las aisinas modèrnas de comunicacion, la poliglossia de plan d’especialistas, l’enveja de totas las culturas de se far conéisser, aquò se fa possible. E pensi que los occitanistas deurián promòure aquela idèa.

Alavetz, abans de depausar una demanda dins aquel sens als JO ( aquò farà un buzz rigolò), ai organizat la Copa del Monde entre nosautres e ai profechat de l’Estivada per i situar la finala. Espèri qu’aquò donarà a las cantairas e als cantaires occitans lo projècte de s’i metre a fons, en precursors.

Serà una granda finala, amb de tematicas prepausadas pel public e tirats al sòrt, e amb una intervencion de Francis Cabrel, al qual ai fach descobrir la disciplina e que va aviar pro lèu sa novèla carrièra.

Arribat ad aqueth nivèu de competicion e de notorietat, tot lo monde que vei la vòsta facilitat e la vòsta mestreja pendent eths MACHs, totun que ns’avem a previer tot lo monde, e sustot eths mes joens, que tot aquò ei la fruta de plan de tribalh e de sacrifici. E’ns podetz presentar la vòsta carrèra e la vòsta vita de tot dia en quauque mots.

Òc, 35 ans de trabalh, sustot per far acceptar l’idèa qu’es una vertadièra disciplina, qu’existís pertot pel monde dins de formas tradicionalas, levat en francés e en occitan . La fòrma que privilègii en francés regional e en occitan (mas pas encara de targaires en occitan per me respondre o per jogar entre eles) es adaptada a qualque critèris de uèi, mas cèrca pas a remplaçar las formas tradicionalas, al contrari, vòl servir a las far conéisser e a las valorizar .

Un còp campion deu monde, quinas seràn las vòstas envejas, deféner la vòsta corona o préner la presidéncia de la federacion internacionau coma at ditz ua rumor ?

A plan rason la rumor. Mon projècte es de far cap de la federacion internacionala e de far carrièra dins los burèus, los viatges per totes los païses, las negociacions amb los presidents, etc.
Soi ambici
ós, tot lo monde o sabon. Coma ai pas capitat, malgrat totes mos esfòrces per me far director del Conservatòri Occitan, ni de la Convergéncia, ni de l’Estivada, ni de la DGLFLF, ai portat totas mas ambicions sus aquel espòrt e son administracion .

L’avier de la vòsta disciplina, quin at vegetz ?

L’avenir d’aquela disciplina es fantastica, es aquela de la promocion de la pluralitat de las culturas del monde, al nivèl lo mai espectacular possible. Òm sap ja que los occitans an inventat los «foroms de las lengas del monde» ; un jorn n’i aurà dins totas las vilas del monde.
Es parelh pel tençon. Primièr, e pendent que nòstre fièrs militants rifanharàn, serà recuperat per París, que ne cambiarà lo nom e tornarà inventar aquò a son biais dins un o dos ans. Puèi, urosament los USA e los chineses s’i metràn, escobat los franchimands franco-franciens e la prepausaràn mai largament. Nòstres fièrs militants trobaràn alara qu’es pas mal, mas que patin-cofin, e ensajaràn de l’occitanizar.

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Lo Diari

Aquel compte es bailejat per tota la còla de redaccion del Diari. Es aquel compte que s'ocupa dels afars corrents sus aqueste site e s'encarga de la publicacion dels articles.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.