Chiròla e vin petit

Al risc de passar per un vièlh… vos vau parlar del vin de temps a. Nos acompanhava a totas las oras, per tirar la set, per balhar fòrças al trabalh, per refrescar la sopa, per las castanhadas, per fèr chauchòla, pel civet de lèbre, per se garir d’un raumàs, per festejar… e de còps per se pintar. Tot le monde ne beviá, i comprés mainatges e femnas emprenhadas ; de qué desorbitar les igienistas d’ara ! Tant luènh que se sovenga ma memòria, ai totjorn begut vin.