Lo Diari recruta !

Danièl Lapatana, nòstra mascòta, se sentís un pauc solet… Avèm decidit de li trobar de companhiá, en dobrissent un pauqueton nòstras paginas !

Vos agrada Lo Diari, lo magazine de la cultura en occitan ? Vos agradariá d’escriure dedins ?

E ben recrutam de contributors novèls e regulars !
Literatura, musica, cinèma, serias, espòrt, istòria, geografia, cosina, videojòcs, sciéncias… del moment qu’es de cultura (al sens larg) e qu’es en occitan, o prenèm !

Vos fasèm un canton, vòstra pichòta rubrica, a las vòstras colors, e vos podèm quitament acompanhar s’avètz de dobtes sus l’escritura o sus la lenga, que Lo Diari es tanben una aisina pedagogica !

Sens esperar mai, mandatz un mail a redaccion@lodiari.com e benlèu benvenguda dins la còla del Diari !