NADAU – De cuu au vent (Gasconha)
Petit eveniment dab la reedicion deu disc de Nadau aperat « de cuu au vent », sortit en 1991 e de maishant trobar dinc au dia de uei.
Un disc totun de qui mèrca LA virada deu grop dab los desparts « en catastròfa » de Jacques Baudouin e Jaqueish Roth e la venguda d’aqueth concèpte de hèr encontrar boha e guitarra.
Qu’i podem arretrobar laguens títols coneishuts com « la mar » o « Auròst a Jan Petit », e cançons mès anecdoticas com « lo batant » enqüèra plapada de la Protest Song a la saussa « Los de Nadau ».
Daubuns que critican aquera edicion en hèr passar la còlha de Jan de Nadau per un clica d’aganits ahamiats de moneda. Jo qu’i végi com ua fòrma de respècte de cap a un public fidèu en tornar sortir un disc de mau trobar. Que seré estat per contre ua bona idea d’editar aqueth disc en version « vinyle », istuèra de completar la colleccion deus ahuecats deu grop.
En aténer, aquiu ua bona idea de present… de Nadau !
<iframe scrolling="no" frameborder="0" allowTransparency="true" src="https://www.deezer.com/plugins/player?format=square&autoplay=true&playlist=true&width=300&height=300&color=e6eb00&layout=dark&size=medium&type=album&id=46081462&app_id=1" width="300" height="300"></iframe>
