LoDiari x rodín x Amic

Rodín Kaufmann es un multiartista  : cantaire, poèta, tatoaire… A sortit un album de hip-hop, Pantais Clus, eclectic coma el. Nos sèm captats per parlar musica, clips, serias… Amb Amic Bedel, realizator, en guest-star ! 👇

Adieu aquí lo Guilhem del Diari. Va plan ? 😀

Plan e tu ? Menavi adès siáu dintrat en cò mieu.

Siás anat véser se « l’èrba es totjorn mai verda autra part » ? 😉

Oh non, lo sabiái d’avança que l’erba es mai verda en Bearn ! Fan créisser de 🥝 talament es verda 😁 !

I èras per de projèctes artistics ?

Òc avem tornat començat a trabalhar sus lo live de Pantais Clus.

Avem pus de batariá doncas nos fau tot tornar arrenjar, cambiar d’estetica.

Va èsser mai virat vèrs l’electro sorna e pesuga e mens vèrs lo post rock

Per un 💿 aital, ultra produsit, es una escomesa de lo revirar en concèrt ! De qué semblarà ?

Es un autre encastre, l’escasença de se far plaser en prepausant lei cançons dins d’autrei formas. Va èsser pron diferent dau disc, coma se fasiam un remix complet dau repertòri per lo live, e podem se permetre de causas coma utilizar de samples « conoissuts » (Steve Reich, Nina Simone…) I aurà mai de drill tanben, lo costat John Carpenter sortirà mai…

Qu’es aquò lo sample dins « Pichòta Flor » ?

Es un sample de « Lei Mòts » de Nicòla Alziary, una cantairitz de Var deis annadas 70

Nicòla e ieu

La classa 😲

E lo costat John Carpenter ? Parlas de son cinèma o de sa musica ?

Puslèu la musica ! Es una referéncia partejada per tota la banda. I a d’elements visuaus que se retròban dins nòstra comunicacion. Mai luenh que Carpenter aimam ben lei films e serias un pauc flipantas dei 80’s coma Twin Peaks o Shining. 😬

Dins lo live anam utilizar 4 o 5 sintes analogics justament, per aguer aqueste costat 80’s. 📼

I a una seria o un film flipant d’uèi que t’espanta ?

Puslèu la musica ! Es una referéncia partejada per tota la banda. I a d’elements visuaus que se retròban dins nòstra comunicacion. Mai luenh que Carpenter aimam ben lei films e serias un pauc flipantas dei 80’s coma Twin Peaks o Shining. 😬

Mai siáu fan 🤩🤩🤩

E de la BO tb ! 👍

Avián un grope que se ditz S U R V I V E avans, èra super cool

T’agradariá de far una BO ? De quina seria o film ?

Òc, mai es un trabalh gigant…sabi pas…qqren coma Interstellar bessai, o la seria Lost in Space, aimi ben. La BO es cool tb !

Dins l’espaci alavetz 👨‍🚀🚀

Per l’estetica, l’identitat visuala, es tu lo creator ?

Siáu ieu lo « director grafic » de Pantais Recòrds òc. Fau de dessenh dempuei pichon, ai fach de grafiti, e fau de visuaus per de caissetas e 💿 dempuei qu’ai 11 ans 😅

Mai trabalhi tanben embé d’autrei gents : Lauren Napolitano, Santi Oliveri, Joan Carles Coderc… fau tota la partida tecnica e causissi lei modèles, supòrts, colors, puèi una granda part de creacion e/o de coordinacion quand i a d’autrei creators.

Aimi lei causas fachas a la man. Segur fau tot sus 💻 mai aimi aguer de matèria « umana », me ramenta çò qu’aimavi qd èri pichon, l’analogic, lei causas que venon bèlas en venent vielhas.

E lo tatoatge m’en podes dire un pauc sus la demarcha ? I a un ligam ambe la musica ?

Es una enveja dempuei longtemps, d’obrar sus mon còrs. Un biais de ne’n prendre possession, pauc a cha pauc.

Lo « moviment » Pantais Clus, fach d’escritura, de musica, de construccion grafica, passa tanben per lo tattoo. I a d’artistas que veson son òbra coma qqren que sortiriá d’elei, ieu coma d’autrei ai decidit que ma persona porriá èstre part de l’òbra. I a d’òbras qu’ai fachas dins ma vida que degun veirà jamai levat la persona a quau èra destinat.

L’art comença quand decidem de ne’n devenir actor, pòu èstre dins una letra, un moment, e dins lo tattoo tanben.

Siás un afogat de 👟 tanben de çò que sabi… a quin punt ?

N’ai un 40/50enat de parèus en tot imagini ai pas comptat

N’i a que tòrni vendre

N’i a que meti fòrça sovent

N’i a que son d’òbras d’art quasi per ieu

N’i a que voliáu ado mai aviáu pas lei sòus…

Li vesi vertadierament un endrech d’expression de l’esperit creatiu uman. Concretament la tecnologia de soliers es ja au top tre l’edat dau bronze… Mai lo sneaker es un objècte a l’encòp d’aparat, de creacion, ligat a la street, au hip hop. Se regaches, quand comencèt a i aguer un pauc de sòus dins aqueste mitan, lei MC (Big Daddy Kane etc) an mes en valor 💎 e 👟. Lei jòias m’interessan mens, mai dempuei pichon ai qqren embé lei sneakers… 🤷‍♂️

N’ai un pauc pertot

N’ai mm en pantoflas 🤣

Quina suspresa de retrobar la votz de Max Roqueta dins un disc de hip-hop !

Auriáu aimat metre la vòtz de Jòrgi Reboul que m’a fòrça influençat mai ai pas trobat d’enregistraments. Mai Rouquette tot parier, son de poètas gigants, e aquí i aviá un costat solemne qu’anava ben embé cançon e clip. Èra tanben un biais de mostrar una filiacion, siáu sus una dralha duberta per de monde avans ieu, es important de lo far ausir. Ai utilizat la vòtz de Rouquette, coma un american auriá utilizat aquela de Gil Scott-Heron.

As justament signat en çò d’un label american, Fake Four. Cossí se faguèt la connexion ?

Èra i a un an, e trobavi pas d’estacat de premsa en França 🐓 per sortir l’album. Degun voliá s’aventurar a defendre un disc de hip-hop alternatiu en occitan. Tròp complicat, i aviá pas de « casa » per aquò : siá deviáu acceptar de me retrobar ds la banasta 🗑 « world/trad » siá èra 💀.

Doncas se siam dich que sariá ben d’anar veire autra part. E avèm mandat lo disc a Fake Four qu’an adorat. Ai de ressons fòrça positius, e de nombrosas collaboracions son endralhadas ailà.

Ara sabi qu’ai pus lo mm « besonh » de la premsa francesa. Subretot que lo camin es long encara per far cambiar leis esperits.

Los Americans benlèu se prenon pas lo cap coma nosautres per classificar la musica ?

I a d’aquò e tanben la percepcion de l’occitan es diferenta. Nautrei siam completament negats ds nòstre país. Lo fach de parlar la lenga es vist coma un hobby. Quand volem nòstra plaça ds lo present, au mièlhs, li es pas. Au pièger se van trufar de nos. 😤

Se ditz que siás un grand amator de hip hop 🦅 , lo teu Top 5 ?

Keep Ya Head Up – Tupac
Tao of Now – Saul Williams
Slam – Onyx
Back from the dead – House of Pain
Ditty – Paperboy

1990/2000 Son de causas old school, mai qu’ai escotat fòrça qd èri minòt

De qué vira sus ta platina uèi ?

Aviás ja fach un clip amb un rapaire de 🗽 , non ?

Òc en 2013 embé Amic, èra mon 1er clip, 1er single. Voliam marcar un còp. Aguèt pas lo resson meritat, aviam pas encara tota la mecanica de com en plaça. 😥

Amic Bedel lo realizator de França 3 ?

😅 Oc 😆 Va plan ?

Adieu ! 😀

Una question me tafura, dins lo clip es un 🐻 vertadièr ? 😱

oc es un ors vertadièr, e mai roergàs, çò qu’es pro exepcional !

Amic, de qué t’agrada ds la musica de rodin ?

Tot ! Me toca al pus prigond. Son escritura poetica, son flow e sas pròds que van cercar pertot, del folk als synthés 80 🎮🎮🎮

Lo clip es un exercici particulièr ?

Oc perque cal servir l’artista e sa musica. M’es arribat de far de clips sus de musicas que m’agradavan gaire. Mon trabalh es de compréner l’estile e de prepausar una idèa bona. D’un autre costat ai jamai fach de gròsses clips a mejans, doncas es totjorn estat un luòc d’experimentacion. 🧪

Un 🔝 3 de clips ?

N’i a mai de tres 😂 Michel Gondry a plegat lo jòc a la fin de las annadas 2000. Duèi aimi plan lo trabalh de Dexter Navy, lo del collectiu francés Mégaforce, de Emilie Sornin tanben e del jove Dario Fau

Per fargar un clip trabalhas solet o ambe l’artista ? Per ex. «Rei de la 🌛» ?

Es un trabalh a 4. Es una cançon que presavi fòrça, prepausèri l’idèa d’un parelh, e de tablèus pausats amb de situacions modestas e lentas. Rodin encadenèt en prepausant Chloé per far lo parelh. Diguèt de òc e Rodin dubriguèt lo rodatge als luòcs que comptan per el. Filmèri amb Lila Fraysse pendent 1 setmana e montèrem a 4 mans amb Rodin. Aimi plan aquela idèa de trabalh collectiu en micro equipa. 🎥

Aquò tanben èra una òbra collectiva ? 😉

😵 Dètz ! Vòli pas creire qu’es acabat. Espèri que l’esperit va contunhar d’un biais o d’un autre. La naissença e las primièras annadas foguèron fòrtas. Un vam creatiu novèl amb de monde que se carravan de descobrir las vidèos pendent l’Estivada

De qué ne dises @Rodin ?

Demòra per ieu un moment fòrt… 😄

Esperi que Dètz contunharà. D’alhors avem encara de causas a publicar @Amic 😜

Mai sabi tanben qu’un collectiu s’inventa pas de defòra, a besonh d’èsser portat per seis actors, nautrei, la 1èra generacion, tot çò que podem far es crear e prepausar lei condicions necitas a l’espeliment d’un Dètz 2.0 🙌