Preparacion

Tirar las coas dels espargues (se n’aprofitan pas que las puntas, se copan amb las mans, aital se tròba lo punt ont los cal copar de la part mai dura). Los lavam al rajal de l’aiga e los daissam dins un colador. Puèi pelam las cebetas qu’i gardam un trocet de la coa verda. Las copam a rudèlas de la mitat d’un det de large. Prenèm una padena, i vuejam un gòt d’aiga, un de vin blanc, lo chuc dels citrons, un rajòl d’òli, la ceba, un culherat de grans de pebre negre (los aurem espotits amb l’ajuda d’un ponhal o d’una man de mortièr), e un pauc de farigola. Salam e daissam al fòc fins que prengue un bulh. Baissam lo fòc e daissam bulhir a fòc suau. Al cap d’un quart d’ora i ajustam los espargues. Remena que remenaràs, daissam a fòc suau vint minutas puèi daissam refregir. Los espargues en marinada se pòdon servar dètz o quinze jorns a temperatura ambienta.

Variantas

S’i pòt ajustar una fuèlha de laurièr ; n’i a que càmbian lo citron per de vinagre.