Criticas e cronicas de las darrièras parucions.
Florian Vernet es costumier dei racòntes a pòrtas e fenèstras multiplas, sei libres multiplican lei juecs de miraus e nos fan passar, ben sovent, de l’autre costat dei causas. Son darrier roman, au títol diabolic, es un tèxte apocaliptic dins la vena dei pròsas d’anticipacion lei mai recentas.
Ne legir maiUn crane libre qu’aqueu Solide Almanach Nourricier per l’annada 2022, emb son boiradís d’articles daus títols plens d’umor e de poesia, mai de fòtos coloradas e joiosas. Trop chou qu’a chade còp presenta una leguma, Embossé toi-même qu’explora l’univers misteriós de las saussissas, Les mots de Greta Garbure qu’explica las etimologias e las relacions daus mots, L’òrt de Pierre que balha tot plen de conselhs per lo vergier, tant de rubricas qu’òm tòrna trobar emb plaser de la debuta çai qu’a la fin, e que perpausan un molon de descubertas, ortalieras, culinàrias, naturalistas mai culturalas.
Ne legir maius una idèa del Parc Natural Regional de las Corbièras e del Fenolhedés, Felip Marcy, « encargat de la memòria viva », comencèt en 2019 una operacion que voliá recampar las recèptas emblematicas del tot nòu PNR. Un primièr produit es lèst, après doas annadas de cosina intensiva.
Ne legir maiMiquèla Stenta, professora a la retirada, militanta de longa, ara autora, nos conta a travèrs sos libres Seta, la vida de sa familha e, tanben, sa pròpria istòria. Sa maire, originària del país, la contèt dins Negrelum. Lo recit d’una fin de vida dura, d’una maire dura de còps, que l’autora nos desvela amb sinceritat. Eu, es son paire.
Ne legir maiAfogat·da de musica tradicionala e d’instruments ancians, estranhs o excepcionals, aqueste libre es per vos. A travèrs la viòla, l’acordeon, lo pifre, lo petador o encara la vespa, es tota l’istòria del país niçard que nos es contada.
Ne legir maiDempuèi 1968 Joan-Luc Sauvaigo a pas quitat de crear de cançons e d’enriquesir un repertòri qu’es l’un dei mai importants de nòstra epòca. Aprofiechi d’aqueu numèro especiau Niça per tornar sus un libre que pareguèt en 2013 encò de Stampa Segurana : Paraulas, au som de la lenga (es encara disponible, se l’avètz pas es grand temps de vos precipitar encò dau vòstre librari !).
Nòstras ofèrtas d’abonament : Abonament a Lo Diari – 1 an (papièr + web), Abonament a Lo Diari – 1 an (web) o Abonament a Lo Diari – Illimitat (web)
Paqueton d'estiu del Diari
15,00 €
Lo Diari (al numèro)
0,00 € – 5,00 €
Abonament a Lo Diari
De : 1,50 € / mes
