Provenças
Escriure sus Provença m’es totjorn una granda dificultat. Qué dire que ja non foguèt pas dit ? Cossí tombar pas dins los clichats ? Per exemple los d’un Marcel Amont (« Bleu, bleu, le ciel de Provence/blanc, blanc, le goéland… ») o los, traduits en 17 lengas, d’un Peter Mayle : lo domeni viticòla AOC, la Citroën 2 CV, los pins, los cèdres, la farigola, la petanca, lo mistral, lo pastís, lo mercat de rabassas de Carpentràs, la lavanda, l’aiòli, la cosina mediterranèa, lo bolhabaissa, las cigalas, los santons, etc., etc.