Seleccionar una pagina

Libe Joens

0 |

Los tres potons

Poton. Poton ? Poton, poton. Rebombís lo mot aqueste, amai es polit coma tot. Va plan, mès figuratz-vos que, de tan manhac que siague, pòt tanplan èsser una arma. Òc-ben, e de las seriosas ! Traparem dins Los tres potons que, tot posant a la font de l’amor mairal que pòrta al seu filh, una maire se venjarà d’una malediccion mortala a còp de potons. Cracas ? Non pas. Aquí l’afar.

Montpelhièr, un còp èra. Marcamal quita pas de se passejar. Cada an, la trèva del quiti rei dels orses, qu’un caçaire lo tombèt quand encara èra de carn e d’osses, ven apasimar la siá talent de venjança : exigís per aquò far que la populacion sacrifique un dròlle a sa glotoniá… jos la menaça d’avalir se que non la vila tota. Emai siague un brave còrcachal d’i daissar un enfant, s’executan lo mond – qu’estiman mai aquò que non pas l’anientament de la comunautat. E passan las annadas, e se regala l’ors-esglasi.

De fil en cordura, aquí que se sarra l’ora per Ròsamonde, veusa, de concedir son filh a l’apetís d’un destin funèst. S’i vòl pas resòlvre, s’i pòt pas resòlvre, qu’aquò es pas pensable. Refusa fòrt e mòrt. Qué far, alara ? Ne cal de fetge per escometre çò pus inexorable, aquò rai ; mès enfin cossí escapar al malparat ? Sap pas… fins a-n-aquela nuèch febrosa que, al sortir d’una cachavièlha de “dolor, de sang, de carn, de bramadissas”, li apareisserà la solucion dins “una alegresa immensa“. Aquela empega ! Cossí diable ? Quina solucion ? Ont son, los tres potons ?

Ò, pr’aquò totun çaquelà quand mèmes, volriatz pas que ieu vos divulgastèsse lo quichaclau !

Los tres potons

Bilingüe amb CD audiò
Thierry Arcaix (escritura)
MOSS (illustracions)
Anne Marie Caparros / Martine Prévôt (traduccion)
Edite-moi ! , 2019
21 x 29,7 cm
36 paginas
15 €
979-10-92382-50-1

close

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Joan Francés Pòma

Joan Francés es en carga de la Tuta d'Òc, librariá occitana de Tolosa (Ostal d'Occitània) bailejada per l'IEO 31.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Anóncia

Lo CalenDiari

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

Los darrièrs clips

Cargament...