L’America deu Nòrd ! Com at avetz constatat mei d’un còp, qu’i vam hèra sovent dab ÒCtele : balètis, cantèras, vacas, caçolet, trobadors, Catars, Capberton… que s’i pensarem a casa !

O quasi.

Que v’at devi concéder, n’avem pas jamei passat la mar Grana ni parlat deu continent qui se tròba de l’aute bòrd. Mes ne soi pas completament mensongèr totun. Capberton qu’i ei vertaderament, qu’ei Fred qui ns’at a dit. Picatz octele.com, en lo menut « Programas » ensajatz de trobar la rubrica ÒC Kay, causitz la sason 3 sus la toponimia, puish devaratz dinc a l’episòdi 2 dedicat a Capberton, e que poderatz audir a Fred mentàver l’existéncia d’un « Capbreton » aus Estats-Units.

Autament, que podetz cercar suu vòste motor de recèrcas mei estimat… ÒC Kay Góguel o autes…

Enfin voilà qué. A ÒCtele, n’avem pas arren a prepausar sus l’America deu Nòrd. Mes en la tresau sason d’ÒC Kay, que poderatz saber tot çò qui voletz sus Chasluç-Chabròl, l’Arriu Merdèr e lo País de Santría, e aquò n’ei pas sus CNews qui l’at poderatz trobar. Si avetz hami de viatges a l’interregionau, qu’ei sus ÒCtele.

E si avetz enqüèra un drin de coratge, que’vs convidam ad arretrobar Fred un chic mei au nòrd mes tostemps en las Lanas, a Biscarròssa. Arribats aquiu, un idroavion de l’aeropostau que’vs demorarà entà traucar la mar e autes lòcs qui descobriratz si espiatz lo secret de Fred Capitala de l’Idroaviacion. Alavetz, entad anà-i… que cau picar octele.com, orbir lo menut programas, puish Los Secrets de Fred, sason quauquarren, episòdi quauquarren tanben… Alucatz meilèu lo GPS.