Seleccionar una pagina

Luènh de l'uèlh

0 |

Quin fotografe ès ?

Quin fotografe ès ?

Vòls saber quin perfil de fotografe te correspond ?
Respond al quiz e descobrís-o !

Per cada question, causís la responsa que te correspond lo mai. Nòta quant obtenes per cada simbòl e repòrta-te al bas de la pagina per conéisser ton perfil.

Quin aparelh utilizas ?

Un daquòs crompat a la brocanta

Plen format, solide, lord e rapide

Lo telefonet o d’aparelhs “lomografics”

Lo darrièr Canikon 4K… e un dròne

Argentic o numeric ?

De colors fòrtas !

Argentic negre e blanc, vòli de matèria

Numeric, amb fòrça pixèls, vòli pas mancar lo mendre detalh

Numeric, que me cal far lèu-lèu

Zoom o objectiu fixe ?

Fixe, es mai creatiu
Un zoom rasonable ambe una obertura fixa, la qualitat d’en primièr !
Lo zoom mai ample possible, sèm en 2022 !
Qu’es aquò lo fixe ?

Qual es ton fotografe mai aimat ?

Jean Dieuzaide, quina mestria !

Yann Arthus-Bertrand, quins braves imatges del cèl !

Lo perfil @totalifon d’Instagram

Lo coneisses pas !

Quins festenals de fotografia ?

Lo salon de la fòto de París

Lo festenal internacional de fòtojornalisme de Perpinhan

Arle, plan segur, de mai te coneissi unes pichons restaurants de tria !

Lo Off d’Arle, plan segur, i a de bonas fèstas !

Los retòcas amb Photoshop los imatges ?

Pòdi apondre o levar çò que vòls e far totes los efièches imaginables

Non pas, fau de fòto ieu, pas d’imatge !

Non pas, pas qu’amb de filtres sul telefonet

Tas rufas se veiràn pas, t’ocupes pas que d’èsser plan cofat !

Qu’es ton accessòri preferit ?

Mon zoom tropicalizat de granda dobertura constanta

Ma pèrga a selfies

Mon jòc de filtres a efièches

Mon bèl estug de cuèr italian e sa cingla apariada

Las tiras tas fòtos ?

Non, filan sus internet sul pic
Òc-ben, sus un bèl papièr natural e etic
Te las pòdi tirar sus totes los papièrs, totas las telas, sus aluminium, sus un camisòt…

Non, per qué far ? Pas que de diaporamas sus YouTube !

De qué legisses sus la fotografia ?

Las revistas, los sites, los forums que tèstan lo material novèl

Los catalògs de las marcas

Pas res, sonque de stories Instagram

De libres d’artistas, de monografias agotadas

Qu’es per tu, una bona fòto ?

Canda e neta, dins las règlas

Negre e blanc, la netetat es pas una necessitat

Plan picada, sens deca tecnica

Joiosa, amb plen de colors que petan

As una majoritat de...

Lo boèmi plan coma cal : t’agrada de far simple e de daissar venir l’imatge. Mas te cal çò melhor, lo material mai fisable, sens tecnologia superflua, una mecanica de mòstra soïssa. Coneisses ton istòria de la fòto sul cap del det. Te daissas pas impressionar per tròp d’artificis. Ta fòto se practica a pè. Se la lutz i es pas, la faràs pas venir d’un biais artificial. D’alhors, l’evolucion tecnologica del medium, la veses pas totjorn d’un bon uèlh.

As una majoritat de...

Lo ludic : la vida es un jòc, la fòto ne fa partida. E las vòls totas doas coloradas ! Vòls pas mascanhar ambe la tecnica. Tot es permés : quadres carrats, rectangles, imatges fosques o nets… Fin finala, lo mond es pas unifòrme. Te pausa pas de problèmas de daissar far la maquina : los telefonets d’ara e lors aplicacions fan de miracles ! T’agrada tanben de tornar a la sorga dels vièlhs aparelhs argentics e automatics mas ambe de filmes del rendut especial.

As una majoritat de...

Lo tecnofil : sèm al sègle XXI, macarèl ! Los espleches devon cambiar per far totjorn melhor. Quin languiment de se’n tenir pas qu’als paramètres tradicionals ! As seguit totas las tendéncias tecnico-artisticas. As ensajat lo HDR, lo light-painting, la dobla exposicion, lo flat lay e doblidas pas de montar ton filtre polarizant. Aprofièchas de totes los rafinaments de la reconeissença faciala, dels autofòcus mai rapides. E ongan, as crompat lo dròne.

As una majoritat de...

Lo professional seriós : te cal far un bèl imatge e lèu. T’agradan los quadres candes, legibles al primièr còp d’uèlh. S’agís d’èsser eficaç. Las tecnologias las utilizas solament se te permeton de satisfar aqueste objectiu d’una mena fisabla. Ès capable de trabalhar dins totes los formats, sabes çò que lo mond espèran d’un fotografe e çò qu’es de pas mancar dins un reportatge. Enduras pas d’aver tròp de rebrec qu’aisís pas lo trabalh.

close

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Sylvain Béragnes

Nasquèri a Vilanòva d’Òlt e passèri mon enfança dins un vilatjòt a la punta del Tarn e Garona entre Carcin e val d’Òlt abans d'anar viure a Tolosa. Aprèp aver comprés, tard, l’importància de la lenga qu’ausissiái dròlle, decidiguèri de l’aprene per de bon. Soi un afogat de fotografia : practiqui de contunha, expausi de còps. S'endeven que los projèctes fotografics e l’occitan se rejonhon.

Soscriure
M'assabentar quand
0 Comentaris
Retorns en linha
Veire totes los comentaris

M’aboni !

Anóncia

Lo CalenDiari

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

Los darrièrs clips

Cargament...