Geraud Delbès, que los tolosencs coneisson plan coma presentator e cronicaire d’òc sus France Bleu Occitanie e tanben coma professor d’occitan per adultes, recampa çò que sap de la lenga – e ne sap bravament ! – dins un recuèlh d’aqueles mots que passèron dins lo francés o lo francés regional. La lenga es plan viventa, e marca son territòri de biais duradís : afogat de toponimia e de patronimes d’origina occitana, lo Geraud se permet quitament de listar qualques neologismes. Cossí se ditz selfie, trotinette, tablette numérique en lenga nòstra ? Responsa dins aquel libre, de botar entre totas las mans !