Aquesta istòria, del temps que parlavan las bèstias, nos conta cossí una formigueta vencèt un gigant sanguinari, cossí un ausèl de rapina portèt sus l’esquina una filha leugièra e cossí un lion cap d’aucèl se passejava dins un bòsc… Sèm dins la blosa tradicion dels contes universals e de las aventuras ont passat e present se costejan. La montanha blava d’Édouard Monneau nos transpòrta dins de luòcs magics ont l’amistat amb las bèstias salvatjas dona a l’eròi la fòrça de véncer lo Prince gigant e de salvar Barbara, gràcia al poder de volar, de grafinhar e d’èstre tant pichon e valent que las meravelhosas formigas.