Lo Diari càmbia ! (FAQ)
Fasèm seguir la sortida de nòstre Diari n°58 dedicat a “L’Art del Conte” per una novetat màger que tòca mai que mai nòstre magazine en linha. Desenant lodiari.com fonciona tanben segon lo principe d’un abonament numeric e de “contengut/accès premium” coma d’autres títols de premsa, e o avètz segurament ja remarcat. Mas pas de panica, tot se va plan passar ! Vos avèm aprestat un pichon questions-responsas per vos acompanhar dins aquel cambiament. Coma d’acostuma, demoram dobèrts a las remarcas e suggestions.
Perqué cambiar de modèl economic ?
Sentissèm que Lo Diari a crescut en notorietat e en interès dempuèi qualque temps, maites signes nos o an poscut confirmar. Lo nombre d’abonat·da·s a aumentat tanben de biais considerable. E sabèm, a ne jutjar per las chifras de frequentacion del Diari en linha, que plan mai de personas encara lo legisson, o legisson d’articles. Es fòrça plan e ne sèm uroses, malastrosament lo contèxte demòra malaisit, encara mai a la plaça que sèm, entre la cultura, la premsa e l’occitan. De tant qu’avèm de projèctes bèls de desvolopament, de creissença, de difusion, de contenguts novèls, de produits derivats… E tot aquò o volèm menar sens nauçar lo prètz de l’abonament papièr classic, en convidant mai de monde a rejónher la nòstra aventura, amb d’ofèrtas adaptadas a totes e a totas.
Soi ja abonat·da al magazine, aquò me cambiarà quicòm ?
Pas briga o alara sonque en positiu ! Se sètz abonat·da a la version papièr del Diari, avètz en mai accès a la version numerica. Per n’aprofechar vos sufís de vos connectar amb vòstra adreça mail (Nòta : vos caldrà causir de “reïnicializar vòstre senhal” a vòstra primièra connexion, coma se l’aviatz perdut) sus un dels formularis de connexion presents sul site. Puèi fai tirar lo contengut reservat als abonats ! S’aquò fonciona pas, contactatz-nos e vos ajudarem.
Quinas son las formulas d’abonament novèlas ?
En complement de la formula “classica” que compren lo Diari papièr,volguèrem perpausar d’autras possibilitats de legir lo magazine e son contengut. N’i a per ara doas, doas ofèrtas 100% numericas. Donan accès als meteisses contenguts, solas las tarifa e frequéncia del pagament càmbian, per s’adaptar melhor als mejans de cadun·a :
-
Abonament 100% numeric per 15 € per an, de renovelar cada an.
-
Abonament 100% numeric per 1,5 € per mes, sens limitacion de temps.
De contengut “premium” ? Cossí marcha ?
Coma endacòm mai ! Coneissètz sens dobte totas e totes lo foncionament actual de la premsa en linha, Lo Diari serà pas una excepcion. Per consultar aquel contengut, vos caldrà èsser connectat·da e aver soscrich a una de las tres formulas d’abonament. Lo contengut dich “premium” (perdon per l’anglicisme) es indicat per un pichon cadenat daurat ()
Pòdi pas soscriure a un abonament, aurai çaquela de contengut a legir ?
Òc, d’articles demoraràn dins totes los cases d’accès liure de biais permanent. E i a d’escasenças que poirem tanben “dobrir” de contenguts, per una durada limitada. Aquò poirà èsser ligat a una actualitat, un eveniment, una enveja sobta… Tornatz regularament per èsser segur·a de mancar pas res, o seguissètz-nos suls malhums socials !
Quinas son las autras novetats ?
Aquel passatge a un sistèma d’abonaments numerica demandèt la mesa en plaça d’una gestion de compte personalizat, pròpri a cada abonat·da. Poiretz aital, amb la pagina Mon compte, aver una vista d’ensemble sul vòstre abonament : detalhs de facturacion, de liurason se n’i a una, mejans de pagament, escasudas de l’abonament, activacion/desactivacion del renovelament automatic, gestion dels mejans de pagament… Vòstre compte vos perpausa tanben un accès simplificat als numèros numerizats del Diari (al format PDF) tanplan coma als contenguts reservats, article per article.
Soi un mèdia/professional/contributor, m’auriá agradat d’accedir a un contengut, cossí pòdi far ?
Es previst, sufís de nos contactar. Vos adobarem un accès excepcional a nòstre contengut !
Vòli pas pagar amb la carta blava, aquò’s possible ?
Se nòstre site aisina los pagament per carta bancària, demòra çaquelà possible de reglar un abonament (òc, quitament una ofèrta numerica !) per chèc o virament. Vos sufís de causir vòstre mòde de pagament al moment de la comanda.
Existís una aplicacion per legir la version numerica del Diari ? (question pausada sus Facebook)
Non, per ara avèm pas d’aplicacion dedicada Lo Diari, e demòra en defòra de nòstras capacitats actualas. Pasmens lo site del Diari es estat concebut per èsser “adaptatiu”, e se pòt doncas legir suls esmartfònes/tauletas/ordenadors via un navigator web classic. Aquò val tanben per la version numerica del Diari, que nòstra “legidoira” marcha normalament sus totes los aparelhs.
Avètz d’autras questions ? Pausatz-las en comentari, per mail o suls malhums socials e las apondrem a aquesta tièra. Es important per nosautres d’èsser clars e transparents !
Version francesa
Nous sentons que Lo Diari a crû en notoriété et en intérêt depuis quelques temps, de nombreux signes nous l’ont confirmé. Le nombre d’abonné·e·s a, de même, considérablement augmenté. Et nous savons, à en juger par les chiffres de fréquentation du Diari en ligne, que davantage de personnes encore le lisent, ou lisent certains articles. C’est très bien et nous en sommes heureux, malheureusement le contexte reste difficile, qui plus est à la place que nous occupons, entre la culture, la presse et l’occitan. D’autant que nous avons de grands projets de développement, de croissance, de diffusion, de nouveaux contenus, de produits dérivés… Et tout cela nous voulons le mener sans augmenter le tarif de l’abonnement papier classique, en incitant davantage de personnes à rejoindre notre aventure, via des offres adaptées à tous et toutes.
Pas du tout ou alors que des plus ! Si vous êtes abonné·e à la version papier du Diari, vous avez en plus accès à la version numérique. Pour en profiter il vous suffit de vous connecter avec votre adresse-mail (Note : vous devrez choisir de “réinitialiser votre mot de passe” lors de votre première connection, comme si vous l’aviez perdu) sur un des formulaires de connection présents sur le site. À vous le contenu réservé aux abonnés ! Si cela ne fonctionne pas, contactez-nous et nous vous accompagnerons.
En complément de la formule “classique” comprenant le Diari papier, nous avons voulu offrir plusieurs autres possibilités de lire la magazine et son contenu. Il y en a pour l’instant deux, deux offres 100% numériques. Elles donnent accès aux mêmes contenus, seul le tarif et la fréquence du paiement change, afin de s’adapter au mieux aux moyens de chacun :
-
Abonnement 100% numérique pour 15 € par an, à renouveler tous les ans.
-
Abonnement 100% numérique pour 1,5 € par mois, sans limitation de temps.
Du contenu “premium” ? Comment ça marche ?
Je ne veux pas souscrire à un abonnement, aurai-je tout de même du contenu à lire ?
Ce passage à un système d’abonnements numériques a nécessité la mise en place d’une gestion de compte personnalisé, propre à chaque abonné·e. Vous pourrez ainsi, avec la page Mon compte, avoir une vue d’ensemble sur votre abonnement : détails de facturation, de livraison s’il y a lieu, moyens de paiement, échéances de l’abonnement, activation/désactivation du renouvellement automatique, gestion des moyens de paiement… Votre compte vous propose aussi un accès simplifié aux numéros numérisés du Diari (au format PDF) ainsi qu’aux contenus réservés, article par article.
C’est prévu, il vous suffit de nous contacter. Nous vous aménagerons un accès exceptionnel à notre contenu !
Est-ce qu’il y a une application pour lire la version numérique du Diari ? (question posée sur Facebook)
Non, il n’y a pour l’instant pas d’application dédiée Lo Diari, et cela demeure au-delà de nos capacités actuelles. Toutefois le site du Diari a été conçu pour être “adaptatif”, et peut donc être lu sur les smartphones/tablettes/ordinateurs via un navigateur web classique. C’est aussi le cas pour la version numérique du Diari, car notre liseuse fonctionne normalement sur tous les appareils.