Tè Vé Òc e animaus totemics
Tè Vé Òc e animaus totemics
En 2017, Tè Vé Òc cubriguèt l’eveniment « Ronda europenca dei Gigants e TotemsVideo en fin d'article » a Pesenàs. Aquelei totems qu’afortisson lo besonh d’identitat d’una partida dau pòble d’Òc. Fuguèt una fèsta estrambordanta amb una fola grandassa. Aquest’an es un animau totemic, la Baragònha, creat recentament au vilatge de Sant Cristòl (34) per una associacion nomenada « Les amics de la Baragogne », que menèt la còla de Tè Vé Òc au collègi d’Ambrussum a Lunèu (34). L’amira èra de crear un filmòt a partir d’un scenari imaginat per lei collegians de 5ena e 4ena. Causa costumièra, nos diretz, mas çò qu’es de remarcar es que l’associacion collaborèt e menèt la Baragònha en campanha per jogar son ròtle important dins lo film. E fuguèt lo Sénher Simar « professor » dau cors d’occitan per adultes de Sant Cristòl que venguèt informar lei collegians en jogant çò qu’èra previst dins lo scenari. Es una collaboracion de primièira que dona au vilatge de Sant Cristòl un mejan de se tornar apropriar la cultura d’òc a travèrs sei tradicions.
Lo filmòt serà lèu sul site de Tè Vé Òc. La Baragònha dins lo film es aquela que ven ajudar lei collegians a reglar de problèmas ben d’actualitat : la discriminacion, la pollucion, la lenga e la cultura d’Òc en dangièr. Lei jovents an viscut una experiéncia rica, mercé a l’investiment de la professora d’occitan Maria Catarina Dufour. Fuguèt un vertadièr plaser d’ajudar aquelei collegians a parlar la lenga, a descubrir lei tecnicas de la vidèo, un plaser tanben de mesclar lei generacions dins la causida d’obrar per l’occitan..
Lo filmòt participarà a un concors en fin d’annada escolara…mas ne parlarem mai tard !
Ronda europenca dei Gigants e Totems
