Quan cau parlar de musica, a ÒCtele, n’èm pas los darrèrs ! Non presentam pas mei la categoria “musica” suu noste siti, e qu’avem de mei mantua emission qui balha plaça a votz, sons e ritmes de tots estiles, en contèxtes diferents : Eveniments, Reportatges, e tanben la gran colleccion deus Somsom entaus mainadets e mainadetas (o los·las qui’us vòlen ensenhar !). En noste magazina de Societat tanben, que poderatz trobar un numèro tot navèth, on un rapaire e un cantaire de metau e’vs parleràn de l’autoproduccion musicau.
E’ns cau tanben brembà’vs deus documentaris suu grope Artús e sus l’opèra barròca Dafnís e Alcimadura ?

Pr’aquò, la gran nautat d’augan que’s hè enqüèra esperar ! En efèit, ÒCtele que filmè en abriu ua navèra emission aperada La Musicala, a la quau convidèm sheis gropes de noste, d’estiles musicaus variats, entà’us filmar en las condicions d’un dirècte. Tà cada formacion, que poderatz bèthlèu profieitar d’un vintenat de minutas de musica “live“, a las quaus s’ajustan cinc minutas d’entervista entà n’apréner mei suus lors projèctes.

Com de costuma, que’vs balham rendetz-ve a las vòstas aurelhas sus octele.com e YouTube !