Seleccionar una pagina

Lo Magazina

0 |

Un novèl Diari fòra seria pels joves !

🤩 De qu’es aquela pagina colorada qu’avètz dejós los uèlhs ? E ben òc, es un Diari. Mas pas qual Diari que siá, nani, un Diari fòra seria, especialament pensat pels joves. Son 20 paginas en occitan sus la cultura de uèi (manga, BD, serias, musica, rets socials, videojòcs…), en ligam amb las questions que travèrsan la societat d’ara.

🤓 Prestam un agait mai atentiu que d’acostuma a aquesta realizacion, aital cada contributor·a a sa pagina pròpia, e son univèrs pren vida, en mots e en colors. I a un pauc de tot per totas e totes, esperam qu’aquò vos agradarà.

👌 Aqueste numèro auriá pas poscut espelir sens lo sosten de l’Ofici public de la lenga occitana (OPLO) qu’assegurèt, dins l’encastre de son Plan d’Accion Licèu, la distribucion als liceans e liceanas de las regions Occitània e Novèla Aquitània, siá 64 establiments. E en profitant de l’escasença de la Setmana de la premsa e dels mèdias dins l’Escòla, istòria de mostrar que se pòdon far de causas seriosas atanben en occitan !

🖍️ Aviam fait en 2021 un primièr fòra seria del Diari pels licean·as, aquí prenèm d’ample, amb una novèla còla (re)constituida, pas que de creacions, e de varietat a cada pagina. Apondrem una cobèrta “collector” aqueste còp amb de referéncias al manga (reconeitretz tot ?) e oblidarem pas de mencionar que cada numèro s’acompanha d’un presenton, un pegasolet del “Manhac”, simpatica bestiòta, emblèma d’aquesta parucion. Lo Diari Gadget ? Saique…

🤝  O disiam dins un article precedent : en seguida d’una convencion signada amb l’OPLO, de Diaris aital ne deuriatz aver un per an, pendent tres ans. Mas una causa al còp : en esperant lo de 2024, avètz ja de qué legir !

👉 Aqueste Diari fòra seria n°2 es disponible gratuitament en linha per tot lo monde, joves e mens joves, e o poiretz a plaser legir o descargar. Es disponible a la crompa a un prètz “fanzine” modic de 2€, mas privilegiarem las crompas gropadas, per aquò vos convidam a nos contactar. Volètz de pegasolets “Manhac” ? Contactatz-nos parièr !

👉 Legissètz-ne mai sus l’operacion sul site de l’Ofici public de la lenga occitana, en clicant sus l’imatge.

Lo Diari spécial jeunes #2

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Lo Diari

Aquel compte es bailejat per tota la còla de redaccion del Diari. Es aquel compte que s'ocupa dels afars corrents sus aqueste site e s'encarga de la publicacion dels articles.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.