Aqueste pichon milièr de dires foguèron reculhits per l’abat Lacoste sus 39 comunas de la val d’Òlt, quand i exerçava son ministèri, 40 ans de temps entre los sègles XIX e XX. Se lo cal imaginar notar menimosament tot çò qu’ausissiá, jorn per jorn, çò que li contavan lo monde o los curats de las parròquias vesinas, en brèu tot çò que podiá alimentar son interès per las “causas de Carcin” coma disiá. Totes aqueles provèrbis, que la màger part èran desconeguts, son aquí presentats per Joan Rigosta dins la grafia de l’autor puèi en grafia normalizada, amb una traduccion e qualques explicacions se fan mestièr.