Aqueste libre prepausa de percórrer l’Istòria granda e las istòrias pichonas de Tolosa pels noms de las estacions del mètro Tisséo (doas linhas, lèu tres). Dempuèi setembre de 2009, los usatgièrs del mètro pòdon ausir dins las ramas los noms de las estacions anonciats dins la lenga istorica de Tolosa e per una bona part aqueles noms son a consonància occitana. Long de las paginas, es l’istòria d’un quartièr ancian o recent que se descobrís, metent en valor de personatges e de luòcs emblematics de Tolosa, en ligam amb la lenga d’òc. Viatge dins lo temps e l’espaci, aqueste obratge, a la seguida de Mots d’Oc, mots d’ici, desvèla una istòria rica e passionanta de la Vila ròsa e sa metropòli, e s’adreça tant a sos abitants coma als toristas que vòlon conéisser o tornar descobrir la ciutat.