Bernard Manciet que perpausa nau poèmas escriuts “de chic” com ditz, shens modèle, de faiçon espontanèa. Que son poèmas hòrts, poèmas bastits e estavanits, poèmas de franc-tiraire. Ua edicion navèra qui permeterà au legeire de descobrir, l’annada deu son centenari, la fòrça d’un autor excepcionau que’ns mia dab lo son ritme, los sons mots escapats com improvizacions de jazz vocau, au còp sabentas e expressivas.