Seleccionar una pagina

Totes los articles ligats a "fèsta"

Cossí es vòstre cafè ? Mortal !

Dempuèi 2021 l’associacion Derrière le Hublot, amb la complicitat de Noémie Robert, celebranta funerària civila e contaira, organiza a Fijac e Capdenac los « Cafès Mortals », de seradas per parlar de la mòrt amb de professionals, de cercaires e d’artistas. La nòstra mòrt, la dels autres, aquò fa se pausar mila questions. E l’emergéncia dels Cafès Mortals, ligada a l’emergéncia de las cooperativas funeràrias, fa la mòstra d’una manca d’amiras a l’entorn de la mòrt.

Ne legir mai

Juliette Cazes – “Qu’ei un art de víver de trebalhar sus era mòrt !”

Arqueològa e antropològa de formacion, Juliette Cazes s’es lèu especializada dins la recerca en tanatologia. S’es faita bravament conéisser per son « Bizarreum », de vidèos e podcasts de vulgarizacion a l’entorn de la mòrt ont tracta aquel tèma universal amb intelligéncia, pudor, subtilitat e un pecic d’umor.

Ne legir mai

Mex-hic et nunc, una velhada amb los mòrts

Dormir dins un cementèri, sus un recanton de tèrra que cubrís la despolha d’un mòrt, entre d’alèas joncadas de flors e de candelons abrandats. Partejar lo repais mai estimat d’aujòls desapareguts en tot charrar amb lors descendents, èsser urós e ufanós de velhar los mòrts e de lor far omenatge. Las brembas embolhadas d’una nuèch d’i a dètz ans en rè me tornan forra-borra.

Ne legir mai

Anam de fèsta ?

Coma los autres cantons dels Países Catalans, quand arriba la Fèsta Major, las carrièras de Lleida s’emplenan de jòia ambe lo “Cercavila Popular”. E mainse l’un dels emblèmas mai coneguts siá los “Castellers”, la cultura populara es fòrça divèrsa. Malgrat las transformacions, una seria de figuras que pareisson eissidas dels contes emplenan las carrièras de la vila. Dempuèi los dançaires coma los Bastoners, La Moixiganga, Els Cavallets o El Ball Parlat des Moros i dels Cristians, fins als Gegants e los Capgrossos, semenan joia e fèsta pertot ont passan, jos l’agach fascinat dels mainatges. Pertot retronisson las gralles e los tambors, los tamborins e los flaütèls, las clarinetas e los bassons. E quand la nuèch arriba, los Diables aparéisson ambe son accion celèbra : entre los fiuladises e las belugas de las carretilles, coma se sortissián de l’infèrn, divertisson los joves al mièg d’una dança de fuòc.

Ne legir mai

Los animals de la fèsta occitana – Claude Alranq e Vincent Rousillat

Lo libre sortiguèt dètz ans fa, mas nos diguèrem que valiá lo còp de ne tornar parlar dins lo quadre d’aquel dorsièr consagrat a Carnaval. Una de las caracteristicas de las fèstas carnavalescas en Occitània es la preséncia d’animals diches « totemics », simbòls vertadièrs de la vila o del vilatge tant coma d’una relacion estrecha amb la natura e nòstras originas salvatjas.

Ne legir mai

IEO Eveniments : La Janada d’Albi

La fèsta de Sant-Joan fa pensar d’en primièr al fuòc, a la Janada (o Joanada), una tradicion mai que vièlha que cadun sentís e interprèta a son biais. Sant-Joan simboliza pels crestians lo batisme, moment primordial de la vida ; pas estonant que se festege aquel sant lo jorn del solstici d’estiu, lo jorn lo pus long, que lo solelh es al pus naut dins lo cèl e la nuèit la pus corta. Pels que lor demòra un pauc de paganisme vièlh, es la fèsta del solelh, de la feconditat, amb de rites de proteccion de totas menas, per las recòltas a venir, contra lo maissant uèlh e autres emmascaments, per se parar de la malautiá e te sabi qué mai. Es la fèsta de la debuta d’estiu, una fèsta que se debana defòra, a la nuèit, dins la calor : jòia, danças, e dins l’escurina, tant plan, rescontres amoroses.

Ne legir mai
Cargament

Crompar Lo Diari

Anóncia

Lo CalenDiari

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

Los darrièrs clips

Cargament...