Seleccionar una pagina

Praxis Escrita Liura

0 |

Gobi

Sòrga - Joan Carles Codèrc
Sòrga - Joan Carles Codèrc

Si pòu dire qu’ai començat a estudiar l’istòria de l’art gauch en ma maire, travalhava damont a la Pòsta, a l’Inter, e si faia d’oras suplementaris per nen crompar, a ma sòrre e ieu, de « feuillet timbre » pòsta. Costava car, mas volia crompar quauquaren de valor per lo nòstre futur. Èra un mercandon d’enciclopedia, aquelu que passavan de pòrta en pòrta, que li avia dich : « Aquò es un bòn investiment per lu vòstres enfants. »

Es emb aquelu fuelhetons qu’ai descubert la pintura e lu pintres clàssicos de l’istòria de l’art francesa. Cau dire qu’èran lu mai bèi, au mitan dau centenari dei « chèques postaux » ò lo bicentenari de « l’escòla veterinària d’Alfòrt », semblavan lu mai preciós. Finda ieu èri devengut un colleccionaire d’art.

Mai tardi, ai descubert que toi aquelu bravi gens que calavan per pintar, a la fin dau sècolo XIX, calavan dau lume. Lo luèc dont venian, semblava un luèc aluenhat, magnífico, un chícol irreal que existia solament en un pantais ò en lu libres d’aventuras embé de gens exotiqui sortits d’un conte. E non, èran aquí, aquí dont resti ò aquí da costa. Ancuèi es ver a pas cambiat, calan sempre mas pintan pas plus.

Despí, mi siáu totjorn demandat se au mitan de tota aquesta borgesia francesa que ven s’engravar aquí per finir la sieu vida, li siguèsse un que si seria interessat ai gens e a la cultura que portavan.
Si pòu dire qu’a Nissa siam estats, au manco, a l’avantgarda de quauquaren !

Au som, si pòu trovar una forma culturala occitana en la pintura ?
De pintres aquí, ne’n manca pas, de toti li escòlas e de toti li qualitats !

Fins a ancuèi ai pas de respòstas. Es ben mai facil de’n trovar en la música, la poesia, la coïna ò la literatura.

Aqueli questions m’an levat da mi virar devers l’art popular per m’inspirar e parlar simbolicament de cen que mi pensavi èstre. M’ajudava da trovar un sens e un ligam m’ai gens, ben mai que de parlar emb un microcòsme contemporanèu, e conversar solet emb ieu en pròpi. Ò de parlar emb aquesta classa, que per mandar, decidar de cen qu’es sacrat e de la lenga da utilizar per ne’n parlar. An ajustat d’escòlas d’art per normalizar un lengatge, per la música lo conservatòri dont s’empara un langatge musical, dominan a Nissa, an roïnat toti formas d’expressions. La pression imobiliara permete plus l’utilizacion de luècs independents ò l’utilizacion de la « voie publique ». Coma v’ai dich siam a l’avantgarda.

Aquela reflexion de coma si moastra la sieu creacion, per qu travalhi, embé qu dialògui, m’a levat da regarjar lo Carneval d’una autra maniera, lo Carneval coma expression d’un art popular. Lo solet pintre que conoissi qu’a seguit aquèu camin es Gusto-Dòlfo Mossa – a cambiat quora es revengut de la promiera guèrra mondiala, aquela guèrra dont lu Nissards an capit qu’èran Francés.

Pensi a l’art singulier ò tamben a l’experiença de Seta embé lo musèu d’art modèst. La mai completa òbra que m’es estada donada da veire en aquela linha de pensier, es aquela que Combas a fach au Carnevale de Nissa 93 m’ai illuminacions…

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

La PEL

La Praxis Escrita Liura, o PEL, es un collectiu artistic proteïfòrme montat especialament pel Diari. Son principi es de convidar d'artistas variats, sa tòca de questionar lo rapòrt entre lenga occitana e arts visualas. De cap a un art d'expression occitana ? En tot cas dejós la PEL, lo dialògue es possible !

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.