Seleccionar una pagina

Scopitòne

0 |

Tiò, que s’i son escaduts !

Mesclar polifonia e jazz que pòt semblar ua hèra bona idea suu papèr, mes entà’vs díser la vertat, qu’aubriscoi lo disc de Vox Bigerri e Jim Black dab drin d’inquietèr. Quin e cau barrejar los dus estiles sense càger ena mediocritat ? En qué un projècte atau e pòt portar quauquarren de navèth ? En qué lo ritme e pòt breçar la canta sense minjà’u ?

L’inquietèr que se n’anè pro viste : lo disc Tiò qu’ei ua performança de las bonas de la còla de Vox Bigerri (grop de qui ei lo timon de polifonia urbana de Bigòrra) e de Jim Black, batur arreconegut sus l’empont jazz contemporanèu mondiau.

Enregistrat a Berlin en 2017, aqueth disc qu’ei plapat de cançons de las bonas com La Baish en tèrra plana, Augan j’a un pastor o los set sauts, on la canta e sembla a respóner a la bateria coma duas bèstias peus bòscs. Au reng deus bienurós que trauca lo cèu dab non sèi quina magia. La canta Mon dernier tracteur que sembla a tocar mèma l’estile psiquedelic enas veas de Von Morisson o Can.

L’exercici qu’èra complicat de miar, mès de faiçon globau, lo disc Tiò qu’ei ua escaduda e qu’aurà avut lo meriti de préner camins de travèrsas sense desbrembar la lenga nosta au hons de la saca. Ua mencion especiau au musician Jim Black de qui acceptè de víver l’experiéncia musicau sense hicar la moneda ua centre de las soas prioritats. Jim Black que hè partida deus senhors de la musica, de qui an enqüèra d’experimentar causas, au risque de mancar-se. Ua presa de risque tota relativa que’m diseratz, mes talament absenta au còr de l’industria de la musica actuau, on tot e’s ven sense forçadament aver la mendra valor.

Lo disc Tiò que va madurar, perhums navèths qui sortiràn d’ací quauques temps, pr’amor causa solida : quauquarren de bon e s’ei passat hens aquera collaboracion.

E dilhèu enas dralhas de grops occitans com Los De Larvath o Jan deu Melhau, de la presa de risque e neisherà lo mite.

surlefil.org / vox bigerri.com

A prepaus de l'autor

M’aboni !

Anóncia

Los darrièrs articles

Los darrièrs clips

Cargament...

La letra del Diari

Soscrivètz a nòstra letra d'informacions !

Soscrivètz a nòstra letra d'informacions !

Vos prepausam de vos abonar, en dos clics, a una letra regulara que vos tendrà assabentat·da de las sortidas dels novèls Diaris papièrs e de la publicacion d'articles novèls.

Avètz soscrich amb succès !