Peiraguda, grop de cançon occitana perigòrda a las influéncias fòlk notablas, a fait son camin dempuèi 1978. L’aventura contunha totjorn e en fin de 2021 tustan un bèl còp en fasent surtir 3 publicacions.
– Un disc novèl, Caminarem, fait de cançons novèlas, d’adaptacions, d’instrumentals e de tròçs enregistrats en concèrt.
– Una compilacion, Integral 1978-2015, 57 cançons sus 3 CD , deus vièlhs « tubes » sus vinil aus disques mai recents.
– Un libre, Antologia, que ven fixar sus lo papièr al còp tots los tèxtes de las cançons enregistradas o non, los de Peiraguda o deus autres autors, e tanben las traduccions, las particions, emb los acòrds e qualques inedits !
Tot aquò emb l’ajuda de Novelum, l’Institut d’Estudis Occitans del Perigòrd.