Es un genre sovent daissat de caire mas pasmens important per çò que liga l’escrit a la paraula e al jòc : lo teatre. Jean-Claude Hébrard (disparegut en 2017) se’n èra fait una especialitat, que sortissiá una pèça per an en representacion del costat de Vasarac La Barta (Tarn e Garona). Lo trabalh de Jean-Claude Hébrard es estat fin, amb totjorn un pauc de francés per pas pèrdre tròp lo monde, e l’ancoratge dins d’un univèrs, local, rural e popular. Ara recampadas dins un libre bèl de mai de 600 paginas, las pèças aquestas pòdon enfin passar las termièras del departament e èsser montadas pertot !