Lo comandant Heugars que torna dens las honsalhas de Pau tà resòlver un murtre. La soa investigacion que va préner un torn imprevist. Darrèr roman (policièr aquiu) de l’autor de tria Eric Gonzalès, qui’s morí en mai de 2023.
Eric Gonzalès
Edicions Reclams – 02/2024
Occitan
174 paginas – 12,5 x 19 cm
ISBN : 978-2-909160-95-5
14€
Qu'ei de segur lo darrèr roman d'Eric Gonzales ; que m'enviè lo son tèxte picat quan demorava enqüèra carrèra Carnot a Pau, abans que se n'anèsse tà Moriòu e Vielhavila en Cruesa. Que'm demandé çò que'n pensavi. Que'u trobèi escadut com tots los sons romans per'mor que masedava en plen la narracion d'un roman policièr ; qu'ac avè dejà muishat dab Lo melic de Silvia Chasaus qui's volè lo reclam luenhèc de L'òrra istoèra d'un hilh de Gelòs, lo son cap d obra. Auròst entà ua escort que's debana capvath lo quartièr deu Heralh a Pau, de fresc renovit, on passejava lo son espiar d'escrivan de nautat ; que i sabó trobar lo decòr - com ac avè hèit tà L'Òrra istoèra dab la ciutat de la taneria a Gelòs - deu son relat. Lo qui coneish aqueth barri paulin que sap que s'i està ua comunautat de shens-demora e de joens esvagats, mes tanben ua « prostitucion » qui ne vòu pas díser lo son nom. Eric, gran observator de l'espaci urban, que'ns sap tiéner en alèrta per'mor, com tostemps, la sola question qui valha : qui a tuat l'escort ? Qu'ac saberatz lèu, se legetz aqueste roman !
Lo Diari (al numèro)
0,00 € – 5,00 €
Abonament a Lo Diari
De : 1,50 € / mes
Lo Nadal del Diari 2023
Original price was: 34,00 €.27,00 €Current price is: 27,00 €.
