Lo Massilia Sound System a quaranta ans en 2024. Un anniversari celebrat en musica, amb una virada e la reedicion en un volum unic dei Massilia Box 1 e 2, seria de 45 torns pareissuts en 2022 e 2023 en cò de Manivette Records, son labèl, que festeja per sa part sei vint ans d'existéncia. L'escasença de discutir ambé Tatou, membre fondator dau grope en mai de 1984, de longevitat, de folclòre e de plan de carriera. Extrachs d'una convèrsa de mai d'una ora.