Lo Diari especial joves : l’edicion 2024 es aquí !
🤩 Òu, qual es que tòrna ? Es Lo Diari, un magazine que parla de cultura, en general e en occitan. Aquí mai especialament un fòra seria, totjorn un pauc unic vist que tracta vertadièrament de la cultura de uèi. Per aquò aculhissèm de personas sovent plan joves que nos venon far d’articles sus BD e mangas, hip-hop e K-pop, espòrt e eSpòrt, videojòcs e jòcs de platèu, sciéncias e cosina, mondes imaginaris e societat actuala en abordant de tèmas plan d’uèi.
🤓 Amb Lo Diari anam tanben al rescontre de personas qu’an de causas interessantas de nos contar, qu’an de mestièrs o d’activitats que valon lo còp de ne parlar. Es pas totjorn ligat a l’occitan mas, èi, aquela lenga se pòt amagar pertot, e mai de còps aquí ont degun l’espèra pas !
🤝 Aqueste numèro espelís gràcias al sosten de contunh de l’Ofici public de la lenga occitana (OPLO), qu’assegura la distribucion dins los licèus de las regions Occitània e Novèla Aquitània. Nos fan fisança per aqueste projècte, e aquò’s plan !
🪱🏜️ Se vos sovenètz aviam ja fait un fòra seria atal en 2023. Aviá una cobèrta d’inspiracion manga ; aqueste còp partissèm cap a un univèrs fantastic desertós plan de mòda d’aquesta passa. Remarcaretz qu’encara un còp cada magazine s’acompanha d’un presenton, un pegasolet de l’impausant vermenàs de las sablas…
👉 Aqueste Diari fòra seria es disponible gratuitament en linha per tot lo monde, joves e mens joves, e o poiretz a plaser legir o descargar. Es disponible en papièr a gràtis tanben, vos demandarem sonque, se ne volètz comandar, una participacion als fraisses de pòrt. Vos cal passar una comanda gropada o sonque de pegasolets ? Contactatz-nos !