Seleccionar una pagina

TV

0 |

A mièg camin

 A mièg camin

Sèm del Sud e sèm del Nòrd ! Sèm al sud del Nòrd e al nòrd del Sud ! Es un pauc complicat d’èstre occitan, d’èstre a mièg camin entre lo Nòrd e lo Sud. Lo 45en parallèl passa per Bordèu e sèm donc vertadièrament al mièg entre pòle e equator. Es per aquò que d’unes còps es un pauc complicat de saber se sèm de nordistas o de sudistas. Sèm tot a l’encòp. Nos cal avisar de pas jamai negligir l’un o l’autre, de pas negligir lo Nòrd al profièch del Sud. Es una causa que foguèt sovent reprochada a l’occitanisme. Pasmens, avèm besonh dels dos e Lemòtges es una partida de nòstre Nòrd. Lo Lemosin es nòstre tanben per nosautres occitans. A tal punt que, o sabètz, longtemps la lenga occitana foguèt apelada lenga lemosina. I aguèt los trobadors, i aguèt de personatges famoses e i aguèt d’episòdis grands de resisténcia.

Donc es normal que ÒCtele faga l’esfòrç necessari per anar sovent rodar en Lemosin. A Lemòtges i avèm fait d’emissions e de reportatges en quantitat, e ne farem mai.

 

Faguèrem lo D’Òc show a la BFM de Lemòtges, puèi T’òc T’òc, Espòrts d’Aquí e Òckay, tanben rodats a Lemòtges e dins lo ròdol. I avèm trobat de monde que parlan la lenga. I avèm trobat de monde que fan de poesia, de literatura, de musica, que vivon lor occitanitat « nordica ».

Son los occitans del Nòrd, coma i a los occitans del Sud ; an en comun la lenga, la cultura.

Avèm besonh lo Nòrd e lo Sud e avèm besonh d’anar de Lemòtges a Pau, de Baiona a Ussèl.

Sabèm encara que Lemòtges es lo Lemosin quitament se d’unas reformas territorialas vòlon far d’aquel territòri una partida d’una Novèla Aquitània que mescla territòris de lenga occitana dins sa diversitat e territòris de lenga d’oïl e que nos sembla, còps que i a, un pauc artificiala.

Un mèdia dessenha sovent un territòri, li dona sa justificacion, sa legitimitat. ÒCtele assaja de far aquò modèstament. Perdrem pas lo Nòrd ni lo Sud.

close

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Oc télé

Òctele es una cadena de television en linha a 100% en occitan.

Soscriure
M'assabentar quand
0 Comentaris
Retorns en linha
Veire totes los comentaris

M’aboni !

Anóncia

Lo CalenDiari

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

Los darrièrs clips

Cargament...