Tot çò de publicat per Brama

Lançat a fons sus las contraleas dau Massiu Centrau, Brama chausiguet l’exigéncia sens pietat dau triò per exprimir la transida d’un ròck psiquedelic ferotge e autentic, queu que refrescha la testa e tòrna botar las ideas en plaça. Guitarra e batariá en ipnòsi, viena transfigurada per la pedala, bordon taravelaire e chants lusents en occitan, Brama fai valsar los luecs comuns e vai querre dins lo fons de la tradicion populara daus tròç de discors contemporaneus. Experimentau, liure, poetic e polifonic, Brama laisset sus lo cuol los qu’agueren la chança de los auvir en concert… Uei, los dos pes sus terra e la testa a las estelas, lo triò escriu sus disc lo prumier chapitre d’una odisseia radiosa e ausarda.