Xavièr Vidal trabalha dempuèi mai de quaranta ans a l’entorn de las musicas tradicionalas, de recèrca en formacions e collèctas, en passat per qualques creacions ont daissava una plaça bèla als musicaires invitats. Ara retirat, mas lo cap plen dels rencontres fachs sul camin, tòrna amb un projècte solet, cargat de l’èime de totes sos davancièrs, personatges de la musica tradicionala occitana. Mèstre de son art, lo cantaire e musician liura de pèças variadas e viventas, amb una interpretacion personala e respectuosa, intemporala e ancorada dins un viatge permanent.