S’esmaia

julhet de 2020

S’esmaia es una òbra que foguèt creada dins l’encastre de La PEL (La Praxis Escrita Liura) e publicada dins Lo Diari n°56 de Julhet 2020. L’imatge foguèt realisada per Joan-Carles Codèrc, Mélissande Artus se jontèt al plastician per n’escriure lo tèxte. Un trabalh qu’espia tot entièr lo miègjorn american. Dins de sas referéncias picturalas, mitologicas o literàrias. Una palanca picturala per una discutida de doas èras.

410,00 

(Pòrt comprés)

En estòc

Artista(s)

Auteurs/autrices

  • Joan-Carles Codèrc

    Nascut a Courbevoie (92) en 1984, Joan-Carles Codèrc es originari del Segalar d'Avairon. Decidís lèu d'aviar d'estudis d'art e s'orienta aprèp lo bachilierat en classa preparatòria. Passa puèi per las Bèlas Arts de Marselha, puèi s'acara a la tipografia pendent tres ans, al dintre de l'ENSAV La Cambre a Brussèlas. Aprèp qualques annadas de grafisme, totjorn marcadas per un apròchi manual, se consacra finalament al dessenh, a la pintura o encara a la paret pintrada. E se designa d'aquí enlà, e mai largament, coma plastician. La cultura occitana fa una entrada tardièra mas indefugibla dins son apròchi, que definís aital : "crear en partissent del sòcle cultural, lingüistic e geografic occitan, aquí lo fondament de ma demarcha. Un eiretatge calat, vengut font de questionaments, de proposicions, quand se sarran de problematicas plasticas, socialas o politicas contemporanèas. M'emplegui a tornar dobrir doas vias, una per l'agach, l'autra per las aisinas. La creacion coma solucion a d'enjòcs que figura."

  • La PEL

    La Praxis Escrita Liura, o PEL, es un collectiu artistic proteïfòrme montat especialament pel Diari. Son principi es de convidar d'artistas variats, sa tòca de questionar lo rapòrt entre lenga occitana e arts visualas. De cap a un art d'expression occitana ? En tot cas dejós la PEL, lo dialògue es possible !

  • Mélissande Artus

    Mélissande passèt son enfança en Dordonha, ont descobriguèt l'occitan. Aprèp d'estudis a Bordèu e Tolosa, s'installa dins Avairon per i far professora, tanben animatora al Centre Cultural Occitan de Roergue e i far nàisser una drolleta. Per tal de tornar tibar lo fial amb sa grand, que mestrejava l'art textile (teissatge, tapissariá, cordura...) e que coneguèt tròp pauc, Mélissande Artús s'ofrís una formacion al prèp de Brigitte Catusse a la filatura de las Landas de Vilacomtal (12). I apren maitas tecnicas per téisser. Inspirada per la cultura occitana e francesa del seu territòri, jòga amb lo fial coma amb los mots, per de poèmas, de brodariás, de teissuts e autras installacions. Posant son inspiracion dins la natura, los elements e los senses, conta de situacions (sovent bilingüas) que la fan sorrire. En 2020, amb l'artista Joan-Carles Codèrc, crèa lo collectiu la PEL (Praxis Escrita Liura) pel Diari.

Imatges

Especificitats

Pés 1,5 kg
Dimensions 44 × 2 × 54 cm
Tipe

Supòrt

Medium

Tecnica

,

Òbra liurada amb un quadre.