YOUNESS AMRANI / RÀDIO OCCITÀNIA
Es a se demandar cossí vuèi le teatre, que de mès en occitan, pòsca arribar a se fèr una plaça, tant menudeta siaga, demest les lésers e passatempses pletorics e envaïdors que coneguèm. Vaquí coma exemple l'aventura de la còla de teatre de l'IEO d'Arièja.
Youness comencèt lo son volontariat al dintre de ràdio Occitània al mes d’octobre de 2017. Cercava una mission que li permetriá d’enriquir e contunhar lo son projècte professional, es a dire crear un web mèdia : Es un siti internet interactiu ont se trapa d’actualitats, vidèos, musica, articles.
Parallèlament a una orientacion scientifica, se’s totjorn apassionat dempuèi lo licèu per desvelopar projèctes vidèos, web…
Lo volontariat li permetèt aquò en tot descubrir lo mond professional de la ràdio, subretot lo dirècte e lo costat tecnic d’una ràdio.
Las seunas missions foguèron de participar a la cobèrta radiofonica pel biais de rubricas novèlas a l’entorn de la lenga e la cultura occitanas cap als auditors, acompanhar la còla dins la realizacion e l’enregistrament d’emissions, perpausar d’entrevistas…
Aqueste joen pro dinamic e volontari, prenguèt iniciativas e mercés a la seuna experiéncia s’integrèt plan al dintre de la còla e al foncionament de la ràdio.
A la seguida d’aqueste volontariat, Youness va entamenar una formacion sus lo desvelopament e la promocion del web e del jornalisme per poder lançar lo son web mèdia ambe d’amics. Seriá basat sus la tematica dels joens e de la marginalitat (espòrt, grafisme, musica, mòda…)
