Un primièr fòra seria pel Diari !
😲 Esperatz… un Diari novèl ? Mas l’autre veniá pas juste de paréisser ? 🤔
Òc, mas aquò’s pas un Diari ben ordinari : s’agís de nòstre primièr fòra seria, especialament dedicat als liceans e liceanas de las regions Occitània e Novèla Aquitània. Pilotat per l’Ofici Public de la Lenga Occitana (OPLO), s’inscriu en plen dins lo sieu Plan d’Accion Licèu qu’a per tòca d’aisinar los joves, de lor fornir de contenguts de qualitat e de los sensibilizar a la lenga e a la cultura occitana.
Tota la còla del Diari, lo magazine de la cultura en occitan, botèt son saber-far al servici d’aquel projècte afiscant : evolucions de maqueta, articles novèls, contributors novèls, rubricas novèlas, glossaris novèls… Pas que de nòu, o gaireben, e aquò dins 4 dialèctes de la lenga nòstra (gascon, lemosin, lengadocian, provençal).
Mercés a L’OPLO, aqueste Diari especial es gratuit, aital cadun·a lo pòt agachar en linha, partejar, difusar… Òc-ben, quitament s’avètz passat l’atge del licèu… o qu’i sètz pas encara. Esperam que prendretz tan de plaser a lo fuelhetar coma per totes los autres numèros, e tan coma nosauts a lo concebre !
Alavetz mercés a Amandine, Armand e Perrine del licèu Sòlt de Masamet, Remesi Boy e Diu Negre, Maime Caillon, Matieu Casanova, Silvan Chabaud, Anne-Pierre Darrées, Caroline Dufau, Guillaume Gratiolet, Camille Martel, Estelle Mazodier, Matieu Poitavin e Nicolas Rizzo per lor contribucion, a Rodín Kaufmann e Amic Bedel per aver estrenat una autra forma d’entrevista, als professors per lor relectura atentiva e lors conselhs savis, e plan segur a l’OPLO e sas equipas per lor fisança.
Se sètz pas o pas pus al licèu, qu’ensenhatz l’occitan dins d’autras regions qu’Occitània/Pirenèus-Mediterranèa e Novèla Aquitània, que sètz simpletament un·a afogat·da del Diari, o cercatz a far conéisser la publicacion al vòstre entorn, tenèm un (pichon) estòc d’exemplars papièr, alavetz trantalhetz pas de nos ne demandar !
——————– Version française ——————–
😲 Attendez… un nouveau Diari ? Mais l’autre ne venait pas juste de sortir ? 🤔
Òc, mais ce n’est pas un Diari ordinaire : il s’agit de notre premier “fòra seria”, un hors-série spécialement destiné aux lycéens et lycéennes des régions Occitanie et Nouvelle-Aquitaine. Piloté par l’Office Public de la Langue Occitane (OPLO), il s’inscrit en plein dans son Plan d’Action Lycée visant à outiller les jeunes, à leur fournir des contenus de qualité et à les sensibiliser à la langue et à la culture occitane.
Toute l’équipe du Diari, lo magazine de la cultura en occitan a mis son savoir-faire au service de ce projet motivant : évolutions de maquette, nouveaux articles, nouveaux contributeurs, nouvelles rubriques, nouveaux glossaires… Pas que de nòu, o quasi, e aquò dins 4 dialèctes de la lenga nòstra (gascon, lemosin, lengadocian, provençal).
Grâce à l’OPLO, ce Diari spécial est gratuit, aussi tout un chacun peut désormais le consulter en ligne, le partager, le diffuser… Òc-ben, quitament s’avètz passat l’atge del licèu… o qu’i sètz pas encara. Nous espérons que vous prendrez autant de plaisir à le feuilleter que tous les autres numéros, et que nous à le concevoir !
Alavetz mercés a Amandine, Armand et Perrine du lycée Solt de Mazamet, Remesi Boy et Diu Negre, Maime Caillon, Matieu Casanova, Silvan Chabaud, Anne-Pierre Darrées, Caroline Dufau, Guillaume Gratiolet, Camille Martel, Estelle Mazodier, Matieu Poitavin et Nicolas Rizzo pour leur contribution, à Rodín Kaufmann et Amic Bedel pour avoir inauguré une autre forme d’interview, aux professeur·e·s pour leur relecture attentive et leurs conseils avisés, et bien sûr à l’OPLO et ses équipes pour leur confiance.
Si vous n’êtes pas ou plus au lycée, que vous enseignez l’occitan dans d’autres régions qu’Occitanie/Pyrénées-Méditerranée et Nouvelle-Aquitaine, que vous êtes simplement un·a afogat·da del Diari, ou cherchez à faire connaître la publication autour de vous, nous disposons d’un (petit) stock d’exemplaires papier, aussi n’hésitez pas à nous solliciter !
