Seleccionar una pagina

Dorsièr

0 |

Un hialat tà apréner e emplegar la lenga

L’ensenhament de la lenga qu’ei ua de las missions tradicionaus de l’Institut d’Estudis Occitans. Atau, a costat de la sua activitat de sensibilizacion de cap aus joens, l’IEO que s’i hè tà bastir e estructurar un vertadèr hialat de cors d’occitan destinats aus adultes.

Uei IEO Formacion qu’arrepresenta l’actor màger deus cors d’occitan. Ne dèisha pas de desvolopar la sua activitat e qu’ei capable de perpausar cors e activitats de practicas de l’occitan en totas las Regions occitanas, en tots los dialèctes e sus mes d’un nivèu.

Maugrat çò de qui pòden pensar daubuns, eths cors tradicionaus d’occitan (de tipe presenciau, ua ora e mieja cada setmana o cada quinze dias) ne dèishan pas de’s desvolopar. Se consideram sonque la Region Occitània / Pireneas – Mediterranea, mes d’un centenat de cors qu’ei despensat per las associacions de l’IEO. Aqueths cors que son seguits per un milierat de personas e aqueras chifras que son en desvolopament hòrt (en 2019, + 16% de cors e + 11% de participants). Aqueths cors que son perpausats laguens de 11 departaments.
A l’escala de l’Occitania que podem véger, qu’existeish un hialat pro gran e sustot pro densificat per endret : 31 cors en Erau, 20 en Hauta-Garona, 12 en Gironda e 12 en Arièja.
A costat d’aqueth desvolopament quantitatiu, ua estructuracion de l’auhèrta qu’ei a hè’s. En efèit, a mesura que creish eth nombre de cors, que constatam ua multiplicacion deus nivèus d’estudi dab departaments com Tarn e Hauta-Garona aon eth procès pedagogics e son hargat sus 4 nivèus. A costat d’aqueths cors setmanèrs, l’IEO que s’a sabut desvolopar las autas activitats pedagogicas en multiplicar las modalitats de cors.

Los cors intensius que son a multiplicà’s. L’idea qu’ei de perpausar cors sus ua jornada sancèra, quauques còps per an. La seccion departamentau de Hauta-Garona qu’estè la permèra tà perpausar aqueth format. Ara d’autas seccions que i son passadas, com l’IEO d’Arièja e l’IEO d’Avairon e que sabem dejà que d’autes e seguiràn autanlèu la rentrada de qui vien.
Eths estagis immersius que coneishen tanben un creish. Que vegem a consolidà’s ua auhèrta d’estagi de 3-4 dias tà practicar la lenga en immersion, sovent a l’ocasion de hestaus o d’universitat d’estiu, coma a Rodés, Vilanuèva d’Òlt, Nimes,Lavercantièra, etc.
IEO Formacion que perpausa tanben formacion on.line a l’ensemble deu public com en interne. Au segur, aquiu l’enjòc qu’ei important. Que ns’avem a perméter a tot cadun de seguir un cors aon que sia e en adaptà’s au sué nivèu. A tèrme, aquera auhèrta que permetarà, tau monde motivat, de seguir un procès pedagogic complet.
Enfin, la formacion professionau qu’ei eth darrèr èish de desvolopament de l’IEO Formacion. Laguens aqueth maine, la seccion tarnesa que perpausa notament ua auhèrta de qualitat. De faiçon mes ponctuau, eths IEO 12, 31 o 46 que participan a la formacion de professionaus o de futurs professionaus de qui auràn a emplegar l’occitan tà tribalhar.

Tà acabar, las associacions de l’IEO que perpausan un pialòt d’activitats culturaus en occitan de qui permeten de practicar la lenga e de qui constitueishen un seguit e un complement ideaus aus cors. Laguens la Region Occitania / Pireneas – Mediterranea, despuish 2 ans eth nombre de participants ad aqueras activitats qu’ei superior au nombre d’aprenents de la lenga. Un còp apresa la lenga, eth monde que demoran doncas entà practicar-la. Aquera dada qu’ei plan importanta. Que significa que l’IEO e fòrma monde, mès sustot, qu’amassa locutors !

A prepaus de l'autor

Laissar un comentari

Mercés de vos connectar per comentar
  Soscriure  
M'assabentar quand

M’aboni !

Far un don al Diari

Lo Diari, coma tota la premsa emai la premsa occitana, patís d'una situacion malaisida. Aquí vos perpausam de sosténer la cultura en occitan. Cada don compta !

Anóncia

Los darrièrs clips

Cargament...

La letra del Diari

Soscrivètz a nòstra letra d'informacions !

Soscrivètz a nòstra letra d'informacions !

Vos prepausam de vos abonar, en dos clics, a una letra regulara que vos tendrà assabentat·da de las sortidas dels novèls Diaris papièrs e de la publicacion d'articles novèls.

Avètz soscrich amb succès !