Rubrica a l’entorn de la pedagogia e de la vida de la classa, pas sens umor, per Corinne Lhéritier. Los dròlles nimai los regents an pas la lenga a la pòcha !
Es de mal creire pels escolan·as, mas Dòna Laregenta es pas totjorn estada regenta, ni mai adulta. Si, si, foguèt un temps qu’èra drolleta ! Dins aquel temps d’aquí, « a l’epòca », coma dison los enfants, parlava pas occitan. E s’apelava quitament pas Dòna Laregenta !
Ne legir mai
Sénher Loregent esperèt pas las Instruccions Oficialas de son ministre per far cantar los dròlles e las dròllas de sa classa. Aquel matin d’aquí lo vaquí a far escotar puèi aprene Entòrna-te ma mia. Benlèu que vòl far encapar als escolan·as lo nom dels jorns de la setmana ? O alara a l’enveja d’anar far un torn de mercat ?
Ne legir mai
Se las pèrlas de pluèja venon de païses ont plòu pas, las pèrlas d’escolan·a·s, elas, venon de classas ont la paraula giscla, ont los mots rajan ! Retrobam uèi Nicolet, tot afarassat qu’es a escriure un expausat suls volcans.
Ne legir mai
Sabi pas se se ne cal rampelar o se cal, al contrari, o desmembrar al mai lèu. Foguèt un temps ont d’unes ibizejavan1 e pondián de protocòls, de variantas de protocòls, d’apondons, de modificacions, de documents d’aplicacion, a ne vòles n’auràs…
Ne legir mai
Aquò se sap, lo temps dels uns es pas lo temps dels autres. Se poiriá pensar que l’escala del temps es un quicòm d’objectiu : d’intervals regulars, una marca per annada, una mai bèla per sègle, e zo ! avèm tote·a·s la meteissa mesura del temps !
Ne legir mai
Se ditz que i a pas de mestièr piòt, e que ne cal de totas menas per far virar lo monde. Pasmens, d’unes noms de mestièrs nos daissan mai d’un còp pensatiu·va·s o dubrisson la pòrta a las ipotèsis las mai folastras…
Ne legir mai
Lo Nadal del Diari 2023
Original price was: 34,00 €.27,00 €Current price is: 27,00 €.
Abonament a Lo Diari
De : 1,50 € / mes
Lo Diari (al numèro)
0,00 € – 5,00 €
