Cronica cinèma menada per Matieu Poitavin.
I a de professors artistas que sortisson sei liceans dau quadre e dau cada jorn. Es lo cas de Didier Maurell, qu’ensenha lo provençau a Vitròla e a-s-Ais de Provença. Es per l’imatge e la musica qu’aqueu magician desrevelha leis esperits curiós e dona enveja d’aprene e parlar la lenga. La pròva ?
Ne legir mai
Lo numèro passat, ère a observar Russia e Itàlia, dos país en quista d’una violéncia inedicha mai inspirada dei vièlhs genres de cinèma coma lo filme de gangsters. Uei, anarai en França, e, per un còp, mon prepaus sarà centrat sus París. Coma representar una ciutat que se vòu universala mai nafrada au sortir d’una guèrra ?
Ne legir mai
Doas òbras recentas dau cinèma dins lo monde revèrtan una passion per la violéncia. Es-ti un resson sus la fin dei libertats democraticas que coneissèm dempuei pauc ò un sentiment d’embarrament e de mòrt actuaus que lei cineastas anticipan ?
Ne legir mai
Coma tot grand documentarista que se respècta, Patric La Vau coneis l’art de la discrecion. Son inspiracion assumida per Raymond Depardon es pas un secret : l’autor es citat sus son site internet. En 2019, dins Manejaira d’Aur, nòstre realizator « invisible » a l’ecran filma dins lo biais de son mèstre : pausa sa camèra per desliurar la paraula d’aquela femna dau cada jorn que ne’n vòu pintar lo retrach : Elena Jolis.
Ne legir mai
Sequéncia un. Tot comença coma un cònte. O puslèu tot comença per una musica. Una musiqueta de botelhas que se tampan, destampan, que regòlan, que glogotejan. Ansin vai Vitis-Prohibita, lo documentari maliciós de l’amic Stephan Balay. Lo vin ne’n es l’estèla.
Ne legir mai
Malastre ! Ambe lo confinhament e la crisi, totei lei cinèmas avián barrat… Privats dau seten art dins lei salas escuras, nos fauguèt compensar per d’aisinas qu’aurián fach (en d’autrei temps ?) peulevar la jurada de Canas : la VOD (vidèo a la demanda) e lo streaming. Netflix ansin, puèi que parlam d’America Latina, nos porgiguèt un fum de filmes mexicans. Dins aquò un cap d’òbra, que vos vau presentar…
Ne legir mai
Lo Nadal del Diari 2023
Original price was: 34,00 €.27,00 €Current price is: 27,00 €.
Abonament a Lo Diari
De : 1,50 € / mes
Lo Diari (al numèro)
0,00 € – 5,00 €
