Dorsièr

Ne’n coneissetz beucòp de vilas que de lur nom an fach un verbe ? N’es gran tant que quò, n’es-quò pas ? Bordeu, Marselha, Lion, mai quitament París poden ben se carrar, n’i a pas una qu’aie conegut pariera glòria gramaticala coma Limòtges, emper que, en francés, un pòt « limoger » ! Après, per nautres Limosins, la fieretat se planta quí… e n’am de longtemps apres çò que lo mot nos vau de mespretz.