Ronda mondina

Cossí donar un imatge d’un luòc tròp plan conegut ? Vesèm pas pus çò que coneissèm plan. D'ara enlà, l’uniformizacion ganha pertot e totas las carrièras del mond acaban un pauc de se semblar. Sos monuments e sas perspectivas remirablas e plan conegudas, la plaça carrada del Capitòli, la basilica de Sant Sarnin que tiba un det cap al cèl e tanben sos immòbles modèrnes dreits coma de boitas de carton doblidadas aquí : d’acòrdi, es Tolosa.